РОССИЯ ХАЛКЫНЫҢ КҮПМЕСЕ КОРОНАВИРУСКА ЫШАНМЫЙ?

Коронавируска һаман да ышанмаучылар да бар икән әле. Мондыйларның саны күпме?

Россиялеләрнең өчтән бере (32,8 процент) коронавирус эпидемиясе куркынычын күпертелгән, дип саный. Яки аны билгеле бер кешеләр өчен  файдалы уйдырма дип уйлый.

Экономика югары мәктәбе уздырган тикшеренүләр әнә шуны күрсәткән.

Тагын нинди саннар бар?

Шул ук вакытта сораштыруда катнашучыларның 23,2%ы эпидемиянең барлыгына бөтенләй ышанмый. Тагын 9,6%  кеше аны сөйләнгән кадәр үк куркыныч нәрсә түгел, дип саный.

Май ахырында билгеле булган мәгълүматлар буенча, сораштырылган кешеләрнең дүрттән бере (25,6 проценты) пик әле үтелмәгән дип фаразлый, ә 16,3 проценты пик инде узылган, дип фикер йөртә.

Тикшерүне уздыручылар фикеренчә, эпидемиягә ышанмаучы яки аны артык күпертелгән, дип санаучыларның үз-үзләрен тотышлары да башкаларныкыннан аерыла. Ышанмаучыларның 43%ы туганнарына кунакка бара, яртысыннан күбесе (54 проценты)  урамда йөри. Скептикларның дүрттән өче  (74,22 проценты) үзизоляция режимын бөтенләй кертергә кирәкми иде, дип саный.

Эпидемиягә ышанучыларның 18%ы гына туган-тумачасына кунакка бара, 12%тан азрагы дус-ише белән күрешә. Бары тик 10%ы үзизоляцине кирәк түгел иде, дип фикер йөртә.

Апрель ахырында 60% тирәсе кеше коронавируска бәйле катгый тыюларны хуплаган иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    842
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    800
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    553
    0
    0

Блоглар