РОССИЯ ӨЧЕН ИҢ КИРӘКЛЕ КУРТКА

Туңасыңмы? Димәк, курткаңның зарядкасы утыра башлаган!

Ни өчендер, Россия өчен иң кирәкле, иң файдалы эшләнмәләрне соңгы елларда үзебездә түгел, ә чит илләрдә уйлап табалар һәм җитештерәләр. Әйтик, бездәге табигать шартларына иң туры килә торган машина – Швециянең Volvo машинасы, салкында иң җылы һәм заманча өске кием һәм аяк киемнәре – АКШ компанияләренеке (Кукмара итек һәм каталарын исәпкә алмаганда, әлбәттә) һ.б.ш. Хәзер менә Кытайда югары технологияле куртка сата башлаганнар.

“Куртканың ние бар инде, әнә кибет тулган!” дияргә ашыкма, дустым. Соңгы вакытта технологияләр базарында үтә актив булган Xiaomi компаниясе Runmi Technology белән бергәлектә... җылына торган куртка чыгарган.

Куртка эчендә җылыту системасы һәм аккумулятор тоташтыру өчен кабель урнаштырылган. Эчлегенә каз мамыгы тутырылган, ә тыштан судан саклаучы махсус өслек белән капланган.

Куртканың куркынычысызлыгын җитештерүгә җибәрер алдыннан ныклап тикшергәннәр, ул кирәгеннән артык җылынмый, җылылыгы тиешенчә бөтен куртка буенча тарала. Ул тиз зарядка алу һәм кыска ялганышлардан саклау технологияләре белән җиһазланган

Җылыта башласын өчен махсус төймәгә басарга кирәк. Җылылык элементлары бил һәм муен тирәсенә урнаштырылган. Куртка эчендәге датчиклар җылытуны автомат рәвештә туктата.

Куртка иң күбе 50 °C ка кадәр җылына ала. Сыйдырышлыгы 10 000 мА·сәг лек аккумулятордан эшләгән очракта җылылыкның мондый дәрәҗәсе 8 сәгатькә кадәр тотрыклы саклана ала, әмма бу һава торышына бәйле.

Куртканы җитештерә башлау өчен акчаны Xiaomi ның краудфандинг мәйданчыгында җыйганнар. Кытайда куртканы 15 октябрьдан башлап алырга мөмкин. Сумнарга күчергәндә аның бәясе – 5369 сум.



Шунысын да әйтергә кирәк, куртка үзе шактый җиңел һәм юка – аны рәхәтләнеп салкын көздә дә киеп йөреп, салкыннар башланганнан соң җылытуны кушып туңмаска да мөмкин. Әлегә куртка бары тик бер төстә – кара вариантта җитештерелә, моделе унисекс.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2500
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1978
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    626
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019