РИШАТ ТӨХВӘТУЛЛИНГА 30ны ТУТЫРДЫК: кайда? кайчан? ничек?

Башкортстанның халык артисты, талантлы җырчыбыз, моңлы сандугачыбыз Ришат Төхвәтуллинга 3 март көнне 30 яшь тулды. Гомер бәйрәмен ул Уфа (5 март), Казан (6 март) һәм Мәскәүдә (10 март) яраткан тамашачысы белән уздыра.

“Микрофон югалды!”


Уфада булып узган концерттан соң җырчы төркеме белән туп-туры Казанга юл тота.

- Төнебез юлда узды. Кайтып, 2 сәгать йокладык та, Казан тамашачысы белән очрашырга килдек, - диләр үзләре.

Юбилей концертларының беренчесе көтелмәгән вакыйгаларсыз гына узмаган. Көтмәгәндә-уйламаганда җырчыларның микрофоны юкка чыга. Аның югалу сәбәпләре  һаман да ачыкланмаган. Әмма мәсьәләдән чыгу юлы тиз табыла: башка микрофон алмашка килә.


“Яратам, дияргә киләм дә, әйтмичә кайтып китәм”


- Минем өчен бүген бик дулкынландыргыч көн, - дип башлады җырчы Казандагы чыгышын, -  күпмедер тәҗрибә туплап, киләчәк тормышка яңа үрләр билгеләр вакыт. Бәйрәмемне юкка гына яртакан тамашачым белән үткәрмим: сез һәрчак минем йөрәк җылымны аңлап, минем өчен этәргеч булдыгыз.

Беренче җырын башкарып бетерүгә, Ришат янына ак яулыклы бер апа менеп:

- Концерт саен: “Яратам” дияргә килгән идем, тагын әйтә алмадым инде”, дип кайтып китәм. Бүген әйтәм: яратам! – диде, - безнең мәхәббәтебез сине саклап йөртсен!


Розалия Төхвәтуллина: “Карт бүре уласа, еллар имин була, ди”


Җырлар алдыннан әнә шулай дип шаяртса да, Ришатның әнисе Розалия ханым курчак кебек гүзәл. Улының туган көне хөрмәтенә сәхнәдән ул да моңлы җыр сузды.

Халкыбызга моңлы сандугач бүләк иткән ананы тамашачы алкышларга күмеп озатты.

“Так что көтегез!”


Ришат Төхвәтуллинга татар кызларының яртысы гашыйктыр кебек. Җырчы үзе дә моны яшерми:

- Никтер тамашачы минем бар җырларым да сүз  үзем турында бара дип уйлый.  Җырымдагы “Чык минем юлларыма” сүзләрен ишетеп, сәхнәгә менеп “Менә, юлыңа чыктым”, диюче кызлар аз булмады. “Мәхәббәтем, кайда соң син?” дип җырлый башлагач, “Менә мин, монда” дип язарга тотындылар. “Онытырга минем тырышма” чыккач, “һаман мине оныта алмыйсыңмыни?” диләр. Хәзер “Сиңа барам” җырын җырлаячакмын, - дип шаяртып алды ул, - залда матур кызлар күп, так что көтегез!

Алып баручыларның: “Кем Ришатка хәзер үк кияүгә чыгарга әзер?” – соравына җавап итеп залдагы дистәгә якын кыз кулын күтәрде. Аларга кушылып, әллә уйнап, әллә чынлап  бер әби дә кулын өскә сузды.


Ә Асаева кайда?


Алып баручылар - Кәрим Тинчурин театры аристлары Резеда Сәләхова һәм Артем Пискунов концертка яңа бер ямь өстәде. Башкортстанның Фәйзи Гаскәров исемендәге дәүләт бию ансамбле чараны үз чыгышлары белән бизәде. Җырчылар Филүс Каһиров белән Чулпан Йосыпова тамашачыга моңлы җырларын бүләк итте. Чарада катнашырга тиешле җырчы Гөлназ Асаеваны гына никтер күрә алмадык.

Ришат һәм Филүс


Тамашачыны иң ошаткан чыгышы Ришат Төхвәтуллин белән  ТРның атказанган артисты Филүс Каһировның дуэт башкаруы булгандыр. Ник дигәндә, алкышлар озак тынмады.  Ике сандугач милләтебезнең төп сандугачы Илһам Шакировның репертуарыннан “Сандугач” җырын сузды. Сүз уңаеннан, Ришатның студент чагында баян классыннан вокалга күчүендә дә Филүс Каһировның роле зур икән. Филүснең иҗатына гашыйк егет үзе дә әлеге юлны сайларга карар кыла.

“Ул сынаулар мине чыныктырды”


- Җырларымны тартып алсалар да, тамашачымны тартып ала алмадылар. Күп авырлыклар аша узарга туры килде. Ул сынаулар мине чыныктырды гына. Шул вакытларда һәрчак тамашачым терәк булды. Авыр чакларыгызда җырларым сезгә терәк булса, мин бик бәхетле булыр идем! – дип мөрәҗәгать итте Ришат кичә ахырында тамашачысына.



P.S. Ришат Төхвәтуллин концерт башында таңга чаклы җырлыйм, дип әйтсә дә, 4 сәгатьтә якын дәвам иткән  чара тәмамланганда әле таң атарга ерак иде. Әмма тамашачы да, Ришат үзе дә юбилей концертыннан канәгать калды кебек. Кем әйтмешли, тәмле нәрсә күп булмый ул ;-)

Зилә САБИТОВА

Фотолар социаль челтәрләрдән алынды.

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    5100
    2
    102
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2974
    1
    91
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2583
    0
    63
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1922
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1621
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    114
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    117
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019