РЕСПУБЛИКА ЯҢА ЕЛ ЧЫРШЫСЫ НӘРСӘ БЕЛӘН ШАККАТТЫРАЧАК?

Яңа ел алдыннан бихисап бәйрәм чаралары уздырыла. Тик укучылар өчен иң дәрәҗәлесе – республикакүләм Президент чыршысы. Анда барырга иң-иңнәр генә лаек була. Шуңа да бирегә һәркемнең барасы килеп тора.

Быел Республика Яңа ел чыршысы 25 декабрь көнне «Татнефть-Арена»да узачак. Аны 6-14 яшьлек 8000 мең бала тамаша кылачак. Алар – төрле фән олимпиадалары, спорт ярышлары, иҗади бәйгеләр җиңүчеләре, шулай ук авыр тормыш ситуацияләрендә калган балалар.

Быел Республика Яңа ел чыршысы өчен боз өстендә гадәти булмаган әкият-мюзикл әзерлиләр. “Серле шәһәрне эзләгәндә” дип аталган тамаша өчен махсус сюжет һәм музыка язылган. Сәхнәдә татар мәдәниятенең әкият һәм легенда персонажлары гына түгел, шулай ук бер дә көтелмәгән геройлар пәйда булачак. Ә вакыйгалар уза торган җир – Казан урамнары. Әлеге шоу “Татнефть-Арена”ның боз мәйданчыгында үтәчәк. Ул әкият сюжетын проекцияләү өчен зур экранга әвереләчәк.

Дамир Фәттахов, Татарстан яшьләр эшләре министры:

– Республика чыршысы – Татарстан балалары өчен иң истәлекле һәм мөһим тамаша. Шуңа, һичшиксез, без, тамашачыларны шаккатырып, аларга онытылмаслык хис-кичерешләр бүләк итәргә телибез. Әзерли торган әкият татар һәм рус телләрендә барачак. Ә аның темалары иң мөһим кыйммәтләр – игелек, бер-береңә ярдәм кулы сузу һәм мәхәббәт – турында уйландырачак.

2019 елда әлеге бәйрәмгә барачак укучылар өчен яңалык та бар. Ул да булса – Республика Яңа ел чыршысына барачак тамашачыларны теркәүне онлайн-платформа проектында сынап карау. Шоуга билет алыр өчен, республика районнары балалары үзләрендә сайланып алына, аннары сайтта махсус анкета тутыра, шуңа төрле өлкәләрдәге казанышларын дәлилләгән грамоталарын, уңышларын беркетә.

Шулай ук, Республика Яңа ел чыршысы бәйрәме катнашучыларына «Ялкын» журналының махсус әзерләнгән Яңа ел саны да таратылачак.

Республиканың бөтен балаларын бер җиргә туплап, бәйрәм уздыру традициясе 2000 елда ук башланып китә. Әлбәттә, быел да әлеге бәйрәм Кыш Бабай, Кар Кызы һәм Татарстан Президенты Рөстәм Миңнехановтан башка узмаячак. Бәйрәм ахырында һәр катнашучы рсепублика символы – тәм-томнар тутырылган карлы барс уенчыгын алачак.

фото Яшьләр эшләре министрлыгы сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    976
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    528
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    402
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019