РЕГИНА КАГАРОВА: «ТАТАРСТАНГА БУЛГАН ЯРАТУ ИҖАТКА ЭТӘРӘ»

Рената Казан шәһәренең 19нчы гимназиясендә белем ала. 8нче сыйныф укучысы. Яхшы укый, рус теле һәм әдәбиятын ярата. Химия белән кызыксына, җитди шөгыльләнә. «Нәрсә? Кайда? Кайчан?» интеллектуаль уенын уйный (әйтергә кирәк: бик оста уйный!). Ә мәктәптән кайткач, Рената... киемнәр тегә. Алар гади генә түгел, татарча язулар, милли символикалар төшерелгән киемнәр!

Олимпиадага әзерлек...

«Бу хезмәт фәненнән олимпиадага әзерлек эше, иҗади проект иде. Ләкин, үзем дә сизмәстән, проектым ярату тулы бер иҗатка әйләнде. Проект кына булып калуын теләмәдем. Татарча язулы, символикалы киемнәр булдырасым килде, һәм... булдырдым», – ди Рената. Мерч дөнья күргәннән соң, иҗатыма карата шулкадәр күп уңай фикерләр ишетергә туры килде. Аптырашта калдым. Милли мерч яшьләрдә кызыксыну уята аладыр дип һич тә уйламаган идем. «Ни өчен мерч Татарстанга багышланган, мәгънәсе нидә?» –  дип сораучылар да булды. Мин – Татарстанга баш-аягым белән гашыйк кеше. Республикабызда башка беркайда да була алмый торган уникаль атмосфера. Яратам! Шуңа күрә дә мерчның асылында – Татарстан. Ә мәгънәгә килгәндә... Бөтен нәрсәдән дә яшерен мәгънә эзләү кирәкме икән?! Татарстанга булган ярату иҗатка этәрә, калганы мөһим түгел».

Кешене ышаныч йөртә

«Проектны тормышка ашырудагы иң зур ярдәмне хезмәт укытучысы Людмила Михайловна Родионова күрсәтте. Чиксез рәхмәтлемен аңа! Дусларым, гаиләм дә көчле терәк. Янәшәмдә миңа ышанып көч биреп торучылар булмаса, проектны тормышка ашыру бик авыр булыр иде.

Дөрес, авырлыклар җитәрлек булды. Үзем уйлап чыгарган кием моделен ничек күзалласам, шулай тегеп чыгасым килде. Бер детальнең үзгәрүе дә проектның сихри ягын җимерер төсле иде. Татарстанга, татар мәдәниятенә карата булган яратуны күрсәтәсе һәм шул ук вакытта яшьләргә ошый торган заманча кием дә тегәсе килде. Хыял-теләгем тормышка ашты кебек».

«Һәр көннән тәм табып яшисе иде...»

«Бөтен киемнәрне дә өйдә тегәм. Бер модельне булдыру өчен шактый күп вакыт һәм көч кирәк. Хәзерге вакытта берничә әзер эшем бар. Алар үзләренең хуҗаларын көтәләр. Уку беренче урында торганга, сату-алу эшенә вакыт җитеп бетми. Киләчәктә әлеге мерч зур бизнес булып үсәр, дигән өметем бар.

Бүген мин бәхетле! Киләчәктә дә һәр көннән тәм табып яшисе иде...»

«Гомумән, мин бик күп нәрсә белән кызыксынам. Төрле өлкәләрдә үземне сынап карарга, сәләтләремне барларга тырышам. Русларда «найти себя» дигән сүзләр бар. Минем үземне югалтканым да юк, ә менә гомерлек һөнәр булырдай эш-шөгыль эзлим. Шуңа күрә төрле юнәлешләрдә камилләшергә тырышам».

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    1272
    0
    3
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    1091
    0
    6
  • 4 сентябрь 2020 - 09:31
    ЧУАР ТАВЫК Тавыкның кыртлавын бетерер өчен идән астына ябарга кирәк, дип ишеткәне бар иде. Култык астындагы тавыкны шунда ук кече якның идән астына җибәрде. Идән капкачы ябылып, караңгыга калгач та, и ачуланды тавык хуҗабикәсен, и ачуланды. Канатлары белән фыр-фыр килеп, нигезгә салган көлләрне очырды. Өч көн буена караңгылыкта ипи белән су гына ашап яшәгәч, кыртлавы беткән кебек тоелды.
    735
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019