РАДИК ЮЛЪЯКШИН СӘХНӘГӘ КИРЕ КАЙТА АЛЫРМЫ?

14нче сентябрьдә генә татар, башкорт яшьләренең иң яраткан җырчыларының берсе Радик Юлъякшин Рәсәй төбәкләре буйлап гастрольләргә чыгып киткән иде. Беркөнне генә Анна Попова сүзләренә язылган яңа “Тәрәзәләр” синглы да дөнья күрде. Музыка белгечләре бу җыры да чираттагы хит дип фаразладылар. Берничә концерттан соң ук, Төмән шәһәренә чират җиткәч Радик белән көтелмәгән хәл була: җырчы акустик травма ала.

Башта ул аңа тиешле игътибар бирми, берәр атна дәваланам да, кире сәхнәгә кайтам, дип уйлый. Якын арада булырга тиешле концертларын күчерергә омтылуы хакында инстаграм сәхифәсендә дә хәбәр итә. Тик мәсьәлә ул уйлаганнан җитдирәк булып чыга шул: хәзер инде Радик гастроль турын билгесез вакытка күчереп торырга мәҗбүр. Ул бүгенге көндә Казанда дәвалана.

Акустик травма – артык көчле тавыш аркасында колакка зыян килү дигән сүз. Ул колакка зур авыртулар китерә, ул һәрвакыт шаулап тора. Вакытында тиешенчә дәваламасаң кеше бөтенләй ишетми башларга мөмкин.

Баксаң, залдагы тамашачылар да нидер булганын сизенгәннәр икән. “Мин Төмәндәге концертта булдым. Барысы да бик әйбәт барды, Радикның башкаруы да, һәрвакыттачыга, 100%лык иде. Артур белән Бабек та бик шәп чыгыш ясадылар. Тик мин Радикның ахырга таба колакчынын бик еш төзәткәнен сизеп алдым. Уң колагында проблема булган, күрәсең... Бик кызгандык егетне! Ахыргача үзен лаеклы тотты, мәсьәлә бик җитди булса да, начар ягы турында уйлыйсы килми...”, - дип язган Галина Руднева.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    566
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    225
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    212
    0
    0

Блоглар