ПРОФИЛЬЛЕ СЫЙНЫФКА ЭЛӘГҮ ӨЧЕН НИЧӘ БАЛЛ ҖЫЯРГА КИРӘК?

Педагогик үлчәмнәр федераль институтында (ФИПИ) профильле сыйныфларга эләгү өчен ТДИ (ОГЭ)ны ничә баллга тапшырырга кирәклеген әйттеләр.

Белүебезчә, 9 сыйныф укучылары уку елы ахырында ТДИ тапшыра. Әгәр алга таба укуларын профильле сыйныфларда дәвам итәргә теләсәләр, аларга билгеле бер күләмдә баллар тупларга кирәк булачак. Озын сүзнең кыскасы: укучыларның билеләре “+4” булырга тиеш.

Профильле сыйныфка баруның файдасы нидә?

Мондый сыйныфларда БДИга яхшылабрак әзерлиләр. Шулай ук олимпиадаларга да махсус әзерлек бара. Ә димәк, репетиторларга азрак акча китәчәк.

Күпме балл тупларга кирәк?

Рус теле буенча профильле сыйныфка эләгү өчен әлеге фән буенча имтиханда ким дигәндә 26 балл тупларга кирәк булачак (“5”ле 29дан башлана).

Математика юнәлешендә кагыйдәләр башкачарак яңгырый: табигать фәннәре белән бәйле профильле сыйныфка керергә теләсәң, бу предметтан минимум 18 балл туплау кирәк. Киләчәктә экономист булырга теләүчеләргә 18 балл җитә. Физика-математика профилен сайлаучыларга 19 балл җыю мөһим.

Физикага өстенлек бирелә торган сыйныфта укырга теләсәң, физикадан ТДИда ким дигәндә 30 балл тупларга туры киләчәк (иң күбе 43 балл куела). Химия буенча профильгә эләгү өчен 27, биология өчен 33 балл кирәк.

География буенча профильле сыныфка керү өчен 23, тарихка өстенлек бирсәң, 24 балл туплау мөһим.

Сыйныфтагы урыннар тулган булса, нишләргә?

Әгәр мәктәптәге сез теләгән профильле сыйныфта инде урыннар беткән булса, нишләргә соң? Укучыларның балларын чагыштырып, кемнеке югарырак, шуны сыйныфка алачаклар.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    986
    0
    7
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    832
    0
    6
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    816
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019