“ПИТРАУ - УЛ САБАНТУЙ ТҮГЕЛ!”

Нәрсә: “Питрау – 2019”
Кайда:  Мамадыш районы, Җөри авылы
Кайчан: 20 июль
Ничәдә: 16:00

Нәрсә ул Питрау?


“Питрау бәйрәме” яки “Петр һәм Павел көне” (рус. “Петров день” – “Петр көне сүзтезмәсеннән”) - керәшен татарлары һәм христиан диненә караган бөтен милләтләрнең бәйрәме.

Питрау ул – табигатьне олылау, аңа табыну, биргәннәренә шөкерана кылу, матурлыкка, табигатьнең иркенлегенә мәдхия җырлау. Шулай ук халыкның алда торган олы һәм җаваплы эшләре – игеннәрне урып-җыю алдыннан ял итеп алу бәйрәме дә.

Бу бәйрәм Татарстанның керәшеннәр яшәгән барлык өлкәләрендә дә үткәрелә. Ул һәр елны 12 июль көнне билгеләп үтелә.

Ә быелгы Республикакүләм “Питрау”ны  үзләрендә  бәйрәм иткән халык бирегә дә килә алсын өчен  махсус 20 сендә уздырырга булганнар.

“Питрау Сабантуй түгел!”




Оештыручылар Питрауның Сабантуй булмавын ассызыклады. Алайса күп кеше аны “Сабантуй” дип атый икән. Тик алар аның Сабантуй белән охшаш якларын булуын да яшерми:

– Әйе, күрәсе килгән кеше бирегә килеп Сабантуй элементларын да күрә ала. Мәсәлән, бездә шул ук көрәш бар, Сабантуйда була торган уеннар да уйнатыла. Тик Питрауны Сабантуй белән бутарга кирәкми: безнең максат - килгән кунакларны керәшеннәрнең гореф-гадәтләребез белән таныштыру, - ди Мамадыш районы башкарма комитетның мәдәният бүлеге җитәкчесе, ТР керәшен иҗтимагый оешмасының Мамадыш бүлеге җитәкчесе Степан Спиридонов.

 

“Димче почмагы”нда нишлиләр?




Инде берничә ел рәттән фестивальдә  “Димче почмагы” эшли. ТРның керәшен иҗтимагый оешмасы башкарма комитеты җитәкчесе Людмила Белоусова бу турыда:

– Әлеге почмак өчен Агрофина Васильева җаваплы, ул – танылган димче, -ди, - яшьләр бирегә килеп анкета тутыра, анда булачак тормыш иптәшләрендә нинди сыйфатлар күрергә теләүләрен яза, үзләре турында да мәгълүмат һәм телефон номерын калдыра. Аннан инде Агрофина Васильева җитәкчелегендәге команда бер-берсенә туры килгән парларны кавыштыру эшен башлап җибәрә.

Аның әйтүенчә, күп кенә яшьләр әлеге “Димче почмагы” аша гаилә кора һәм озын-озак еллар бергә бәхетле булып яши.

Тагын нәрсәләр көтелә?




Бәйрәмдә быел керәшен чибәрләре парады,  төрле мастер-класслар, җыр-бию, уеннар һ.б.һ.б булачак.

Артистлардан кемнәрне күрергә мөмкин?




Фестивальдә күбесенчә керәшен җырчылары чыгыш ясый. Мисал өчен, “Бәрмәнчек” керәшен дәүләт фольклор ансамбле Питрау өчен махсус программа әзерли. Ә инде “Pitray party” дип исемләнгән яшьләр мәйданында Интернетны да оффлайн дөньяны да “Малай на белом барсе” җыры белән шаулаткан Кукмара кызы Лэйнаны күрергә мөмкин булачак. Шулай ук биредә Марат Яруллин, Римма Никитина, Булат Нигъмәтуллин, Mc.Almaz Gallymov, Dj Smilezz чыгыш ясаячак. Татар йолдызларыннан тыш, бәйрәмдә рус эстрадасы артистлары да катнаша. 21.00 дә Россия рок-җырчысы, «Рондо» төркеме лидеры - Александр Иванов, ә инде 22:30дан җырчы Виктор Салтыков чыгышы көтелә.

Оештыручылар керәшеннәрне дә, керәшен булмаганнарны да әлеге зур бәйрәмгә чакыра. “Безгә бер тапкыр килгән кеше ел саен килә!” – ди алар. Бәйрәм 16.30 да ат чабышы белән башланып китеп, төнге 2гә кадәр дәвам итәчәк. Ә салют 00.00 дә була!

Зилә САБИТОВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2575
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    732
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    636
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019