ПЕСИЛӘР КӨНЕ: МЯУ-ФАКТЛАР!

Сәлам, дуслар! Язның беренче көне белән сезне. Ул гына да түгел. Бүген, 1 март, Россиядә песиләр көне булып та билгеләп үтелә. Хәзер без бу йомшакларның гаҗәеп дөньясына чумып, аларның акылга сыймаслык сәләтләре һәм серле холыклары турында кайбер яңа нәрсәләр белербез. Мәчеләр турында сез белмәгән 10 факт!

1. Мәчеләр 100 дән артык төрле тавыш чыгара ала. Чагыштыру өчен – этләр нибары 10 га якын гына. Мурлыканье, мяуканье, шипение, урчание – мәчеләр үз хис-кичерешләрен һәм теләкләрен белдерү өчен төрле-төрле аралаша беләләр.

2. Караңгыда мәчеләр кешеләргә караганда яхшырак күрәләр. Бу аларның күзләрендә тапетум дип аталган махсус катлау булу белән бәйле. Ул челтәр катлауда яктылыкны кире кайтара, аны көчәйтә, бу исә мәчеләргә эңгер-меңгердә дә яхшы күрергә мөмкинлек бирә. Ләкин, стереотипларга карамастан, мәчеләр дөньяны кара-ак тоннарда күрмиләр. Мәчеләрнең төсләр гаммасы безнекеннән аерылып торса да, алар төсләрне аерырга сәләтле.

3. Мәче борынының эзләре кешеләрнең бармак эзләре кебек уникаль. Һәр мәченең борынында үз кабатланмас сурәте, аны идентификацияләү өчен кулланырга мөмкин.

4. Мәчеләр үзләренең буеннан алты тапкырга зуррак биеклеккә сикерергә мөмкин! Бу сәләт аларны аучы буларак остарта.

5. Ата мәчеләр ешрак – сулагайлар, ә ана мәчеләр – уңагайлар. Бу ахыргача өйрәнелмәгән, әмма тикшеренүләр шуны күрсәтә.

6. Борынгы Мисырда мәчеләр изге хайваннар саналган. Аларны алла буларак хөрмәт иткәннәр, ә мәчене үтерү үлем җәзасы белән җәзаланган.

7. Мәчеләр кешеләргә сыйпатыр өчен генә эштерелеп йөрмиләр. Бу шулай ук аларның иснәп үз территориясен өйрәнүгә бәйле. Мәчеләрнең битләрендә, маңгаенда һәм койрык төпләрендә махсус сизгерлек бүлеп чыгара торган бизләре бар.

8. Песиләрнең мырылдавы дәвалы була ала. Ул сөякләргә һәм буыннарга уңай тәэсир итә, стресс дәрәҗәсен киметә дип санала.

9. Мәчеләр үз гомеренең 70% чамасын йоклап уздыралар. Уртача мәче тәүлегенә 12-16 сәгать йоклый.

10. Дөньяда иң бай мәче – Шупетт. Хуҗасы, модельер Карл Лагерфельд үлгәннән соң, Шупетт аның байлыгын бер өлешен мирас итеп кабул итә.

Бонус-факт: мәчеләр җир тетрәүләр якынлашуын сизә алалар! Җир тетрәү алдыннан алар тынычсызланалар һәм гадәти булмаган тавышлар чыгаралар.

Сурәт: «piqsels.com»