ПАРК ҺӘМ СКВЕРЛАРНЫ АЧТЫЛАР, ӘММА ТАЛӘПЛӘР БАР

Парк һәм скверларда йөрергә, анда язгы кояшка карап елмаерга, шомырт исләре иснәргә мөмкин. Әмма билгеле бер кагыйдәләрне үтәргә туры киләчәк. Нинди?

Татарстанда парк һәм скверларны янәдән ачтылар. Алар Covid-19 коронавирусы пандемиясе сәбәпле, озак вакыт ябык булды.Тыюлар йомшарса да, кайбер кагыйдәләр кырыслана. Мисал өчен, хәзер маска белән перчатканы урамда да кияргә кирәк. Ә паркка барганда нәрсәләрне истә тотарга туры киләчәк?

– Татарстан Республикасының министрлар кабинеты карары нигезендә, парк һәм скверларга барырга ярый башлады. Димәк, сез хәзер рәхәтләнеп саф һава сулый, табигатькә карап хозурлана һәм  спорт белән шөгыльләнә алачаксыз, - дип хәбәр итә Казанның парк һәм скверлар дирекциясе үзенең Instagramдагы аккаунтында.

Нинди кагыйдәләрне истә тотарга кирәк?

Паркка барган очракта социаль дистанцияне саклау мәҗбүри. Бу - күп кешелек компания бергә йөри алмый, дигән сүз. Шулай ук маска, перчатка кияргә, вакыт-вакыт кулларны дизенфекцияләргә дә кирәк булачак.

Тагын нинди яңалыклар бар?

Балалар өчен мәйданчыклар һәм спорт мәйданчыклары әлегә эшләми. Кафе, кофейнялардан ризыкны өйгә китертергә яки үзеңә кереп алып чыгарга була.

– Май аеның кадерен белеп калыгыз! Сәламәт булыйк! Паркларда күрешкәнчегә кадәр! Без сезне бик сагындык, - дип яза дирекциянең матбугат хезмәте.

Фото Проект Россия сайтыннан алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    884
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    630
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    532
    0
    0

Блоглар