“НИ ӨЧЕН?”: СУ

“Ни өчен?” сәхифәсен СУ темасына багышлыйбызмы? Ни өчен салкын су йокыдан уята? Ни өчен җылы су тынычландыра? Ни өчен судан кул тиресе җыерчыклана?

Ни өчен салкын су йокыдан уята?

Салкын су белән юынуы бик үк рәхәт түгел, килешәсезме? Аны тизрәк сүндереп куясы килә. Ни өчен шуай соң? Чөнки безнең тән температурасын төшерәсе килми, безгә шулай рәхәт. Ә менә йокыны ачарга кирәк булганда салкын су белән коену, душ керү яхшы. Чөнки бу вакытта организмыбызда адреналин бүленеп чыга. Адреналин гормоны мускулларны тонуска китерә. Һәм безнең йокы ачыла, кәеф тә күтәрелеп киткәндәй була.

Ни өчен җылы су тынычландыра?

Җылы, бераз кайнаррак судан исә организм җылына. Аның кире үз температурасына - 36.6га кайтасы килә. Тән суынсын өчен тир бүленеп чыга. Бу процесс кан, лимфа аша бара. Сыеклык яхшырак бүленеп чыксын өчен мускуллар активлыгы кими, организм тынычлана.

Ни өчен судан кул тиресе җыерчыклана?

Мондый җыерчыклар тән тиресенең өске катлавы үзгәрү һәм аны саклый торган майларның юкка чыгуы аркасында барлыкка килә. Кулны озак вакыт суда тотканда тиренең өске катлавы күп итеп су сеңдерә һәм зурая. Ә аскы катлау алай зурая алмый. Нәтиҗәдә, өске катлау шулай җыерчыклана.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    884
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    630
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    533
    0
    0

Блоглар