Ни өчен? АЗ ЙОКЫ, ГРАДУСНИК, АВЫРТУ ТУРЫНДА...

Сәламәтлек турында моңа кадәр сез белмәгән фактлар.

Ни өчен аз йоклау зыянлы?


Соңгы 100 елда без уртача алганда 20%ка азрак йоклый башлаганбыз. Аз йоклау нәтиҗәсендә кеше уяу чакта да аның баш мие «йокыга китә». Кеше бер ноктага карап «ката», игътибарлылыгы кими, кулыннан әйберләр төшеп китә... Әгәр ул озак вакыт аз йокласа, баш мие күзәнәкләре үлә башлый.

Ни өчен градусник 42  °C белән туктый?


Бу температурада кандагы аксым (белок)ның денатурациясе, ягъни куеру процессы башлана. Нәкъ шундый ук ситуацияне без йомырка кыздырганда күзәтә алабыз: үтә күренмәле йомырка аксымы ак төскә керә, куера. Шулай ук бу температурада баш миендә матдәләр алмашы туктала. Болар барысы да организмның үлүенә китерә.

Ни өчен без авыртканда кычкырабыз?


Егылсак, берәр җирне авырттырсак, аякка кадак керсә, без үзебез дә сизмәстән, кычкырып җибәрәбез. Галимнәр моның организмга ни өчен кирәклеген ачкылаган. Ә сер гади: кычкыру, ыңгырашу авыртуны киметә икән.

Зилә САБИТОВА әзерләде


#ПОЧЕМУПАТАМУШТЫ

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    721
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    624
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    472
    0
    0

Блоглар