МУЗЕЙЛАР БУЕНЧА СӘЯХӘТ

Дуслар, әкренләп җәйге каникулларга якынлашабыз. Димәк, җәйне ничек уздырасыбызны уйлый башларга кирәк. Шул нисбәттән, сезгә Казан шәһәрендәге кызыклы музейлар һәм һичшиксез карарга кирәкле экспонатлар турында сөйлибез. Go музейлар буенча сәяхәткә, дустым!

1. Татарстанның табигый тарихы музее (Музей естественной истории Татарстана)

Бу музейны күпләр Татарстанда иң яхшысы дип саный. Юкка гына түгел. Галәм һәм планеталар тарихы, кешелек яралу һәм үсеш чорында нинди этаплар кичергән, җир асты байлыкларының нинди булуын, ничек табылуын белән танышырга мөмкин монда. Ә хәзер – тсс!.. Сер итеп кенә әйтәм, дустым, мине әлеге музейда әсир иткән экспонатлар – динозавр сөякләре. Тик беркемгә дә әйтәсе түгел, йөгер тизрәк музейга. P.S. Айның беренче чәршәмбесендә Кремль музейларын керү абсолют бушлай. Мөмкинлекне кулдан ычкындыра күрмә.

Кайда урнашкан: Кремль, Кол Шәриф мәчете каршындагы озын бинада.

2. Татарстанның милли музее.

Гадәти булса да, бу классик музей Казанга килүче барлык туристларның must-see (карарга кирәк) исемлегендә бар. Татарстанлылар да аны читләтеп узарга тиеш түгел. Затлы кием, бизәнү әйберләре, мебель һәм корал коллекцияләре, халкыбыз тарихындагы төрле этапларны аңларга ярдәм итүче реконструкцияләр, элеккеге йорт интерьеры – барысы да биредә бар. Музейда бер булып кайту унлап тарих дәресен алыштыра, валлаһи! Музей коллекцияләренең таҗы – Әби патша каретасы, әлбәттә. Бәрхет, яхшы күн күпләп кулланган, мул итеп алтын йөгертелгән каретадан Екатерина 10 минут элек кенә төшеп киткән кебек. Тарихтагы персонажларның реаль кеше булганлыгын шушындый урыннарда аеруча яхшы төшенә башлыйсың.

Кайда урнашкан: Кремль урамы, 2 йорт. Спас манарасы каршында.



3. Курчак музее

Әлеге музей балаларның да, олыларның да күңеленә хуш киләчәк. Үзең генә барсаң, әти-әниең яки кечкенә энең-сеңлеңне алып барсаң да үкенмәссең. Биредә төрле автроларның кулдан эшләнгән курчакларын күрергә мөмкин. Монда без күреп ияләшкән гадәти курчаклар гына түгел, төрле милләт, дин вәкилләрен, аларның мәдәниятын чагылдыра торган курчакларны күреп була. Бер генә минус: бик теләсәң дә, курчакларны тотып карарга, алар белән уйнарга рөхсәт итмиләр.

Кайда урнашкан: Ямашев прспекты, 31а.



Чаткы Ялкынлы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    950
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    505
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    378
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019