"МИНИСТР БЕЛӘН ТАНЫШТЫМ"

21нче март көнне безгә Татарстан Республикасынының Мәгариф һәм фән министры Борһанов Рафис Тимерхан улы белән очрашу насыйп булды. Кызыклы әңгәмә дәвамында күпме яңа эмоцияләр, хис-тойгылар барлыкка килде.

Мин министрыбызның үзенең куйган максатларына ирешү өчен тырышлыгына, сүзендә нык торуына сокландым. Күп кенә кешеләр кечкенә чагында барлыкка килгән хыялларын чынга ашыра алмыйлар, теләмиләр, дисәм дә ялгышмамын. Ә Рафис Тимерханович бу кешеләр арасыннан түгел: ул балачакта барлыкка килгән хыялларына таба, бернинди авырлыкларга да бирешмичә, туп-туры бара алган, мәктәпне алтын медальгә тәмамлаган.

Инде озак еллар үтсә дә, укыганда өйрәнгән күп кенә шигырьләрне истә калдыруы, аның бала чактан ук үзенә бирелгән эшкә җитди каравын, зиһенле, белемле булуын күрсәтә. Бу да безне бик нык сокландыра. Рафис Тимерхан улы кебек кешеләр белән таныша алу бәхетенә ирешә алганым өчен бик тә шатмын.











Әлфинур Әхмәтшина

Илназ Мөхәрләмов фотолары

ТАГЫН УКЫГЫЗ:




РАФИС БОРҺАНОВ: УКЫТУЧЫЛАРНЫҢ КАДЕРЕН БЕЛЕГЕЗ!


Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: