МИНИ-КИНОТЕАТР, КОВОРКИНГ ҺӘМ ДИСКО-ЗАЛ - БАЛТАЧТА!

Балтач районында яшүсмерләр, яшьләрнең барлык теләк һәм таләпләренә туры килә торган яшьләр үзәге ачылды. Капиталь ремонттан соң ул танымаслык булып үзгәргән. 

“Хыял” дип аталган бу үзәкне төзекләндерә башлау алдыннан район җиткәчелеге һәм яшьләр белән эшләүче оешмалар махсус сораштырулар уздырган, район яшьләре өчен мөһим проблемаларны өйрәнгән, яшьләр үзәге эшчәнлегенең өстенлекле юнәлешләре билгеләнгән.

Шул рәвешле, районда гомер итүче яшьләр соравы буенча бинада коворкинг залы, дискотекалар һәм мини-кинотеатр өчен мәйдан, спортзал, мөмкинлеге чикле кешеләр өчен махсус җиһазландырылган урыннар булдырылган. Бинаның хәтта дизайнын да Татарстанның яшь архитекторлары әзерләнгән. 

«Хыял” яшьләр клубын ачу тантанасында Татарстан Яшьләр министры Дамир Фәттахов та катнашты. Аның сүзләренчә, бу үзәк төрле өлкәләр белән кызыксынучы яшьләрне үзенә тартып торучы мәйданчыкка әверелергә тиеш.

Безнең максат – республикада яшьләрнең потенциалын җәелдерү, аларның үсешен тәэмин итү өчен шартлар тудыру. Теләсә-кайсы яшь кешенең, Татарстанның кайсы гына почмагында яшәсә дә, үз-үзен камилләштерергә мөмкинлеге булырга тиеш, - дип белдерде министр.

“Хыял” яшьләр үзәге 1998нче елда төзелгән. Аның мәйданы 1000 квадрат метр, барлыгы 280 кеше сыйдыра.

Фотолар - ТР Яшьләр эшләре министрлыгы сайтыннан
 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    842
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    800
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    553
    0
    0

Блоглар