"МӘДӘНИ НОРМАТИВ"НЫ КАЙЧАН ТАПШЫРАСЫ?

Укучылар өчен эшләнелгән “Мәдәни норматив” проектын Россиянең Мәдәният һәм Мәгариф министрлыклары тәгаенләгән. Әлеге проект мәктәп укучыларын спектакль, концерт, күргәзмә, киносеансларга алып баруны оештыруны үз эченә ала. Мондый культпоходлар ай саен узачак. Шул ук вакытта бу бушлай һәм ирекле рәвештә булырга тиеш.

“Мәдәни норматив” программасы Россиянең 8 төбәгендә пилот рәвешендә 1 октябрьдән старт ала. Алар арасында Татарстан, Коми республикалары, Ставрополь крае, Ярославль, Пенза, Саратов һәм Новосибирск өлкәләре бар. Проект сынлы сәнгать, музыка, әдәбият, архитектура, кинматограф һәм театр юнәлешләрен үз эченә ала. Бу блокларны өйрәнгән балалар үз кичерешләрен махсус көндәлеккә язып барырга тиеш була. Белгечләр һәр яшь категориясе өчен укучыларның рухи, эстетик һәм сәнгати үсешен арттыруга юнәлтелгән әсәрләр исемлеген билгеләгән.

Кече сыйныф укучылары Михаил Глинканың "Руслан и Людмила" операсы, Петр Чайковскийның "Щелкунчик" һәм "Лебединое озеро" балеты, Моцартның "Волшебная флейта" операсы белән танышачак. Федор Хитрук, Константин Бронзит, Александр Татарский мультфильмнарын, "Баллада о солдате" (Григорий Чухрай), "Гардемарины, вперед!" (Светлана Дружинина), "Иваново детство" (Андрей Тарковский), "Общество мертвых поэтов" (Питер Уир), "Унесенные призраками" (Хаяо Миядзяки), "Список Шиндлера" (Стивен Спилберг) фильмнарын караячак.

5-8 сыйныф укучыларын «Боже, царя храни» дигән Россия империясе гимны, Бетховенның “Ода к Радости” әсәрләре белән таныштырырга кушалар. Ә 9-11 сыйныф укучылары өчен төзелгән исемлеккә Nirvanaның “Smells like teen spirit”, Виктор Цойның «Перемен», «Наутилус Помпилиус»ның «Скованные одной цепью» җырлары, Кшиштоф Пендерецкийның «Плач по жертвам Хиросимы» әсәре кертелгән. Шулай ук укучыларга “The Beatles” төркеменең "All you need is love", “Queen” төркеменең "Bohemian rhapsody" композицияләре, Владимир Высоцкий, Андрей Макаревич җырларын тыңларга тәкъдим итәләр.

“Мәдәни норматив”ны тапшырачак укучылар Виктор Васнецов, Михаил Врубель, Николай Рерих картиналары, Андрей Рублев иконалары, Леонардо да Винчи, Сандро Боттичелли картиналары, Этьен Морис Фальконеның "Медный всадник", Михаил Козловскийның “Самсон” скульптураларын өйрәнергә тиеш була.

Ел ахырында мәдәни нормативны уен форматында тапшырачаклар. Мондый “имтихан”ның төгәл нинди формада узачагын төбәкләр үзләре хәл итәчәк.  Әлеге сынаудагы биремнәр арасында төрлеләре бар. Мисал өчен, музыкаль әсәрне тыңлап, аның исемен һәм авторын билгеләргә, фильм жанрын, картинаның кайсы гасырда язылганын әйтергә. Нормативны уңышлы тапшыручылар проектның бронза, көмеш яки алтын билгесен алачак. Программаны төзүче белгечләр әйтүенчә, мәдәни норматив – дөньяга альтернатив караш булдыру мөмкинлеген тудыру.

Укучылар сәнгать әсәрләре белән ничек таныша алачак?

1. Сыйныф белән мәдәни учреждениеләргә барулар.

2. Мәдәни клублар форматы. Мисал өчен, биредә укытучы фильмны балаларга күрсәтеп кенә калмый, бергәләшеп анализлый.

3. Әсәрләрне мөстәкыйль рәвештә өйрәнү.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2480
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2316
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1963
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019