МАКСАТЧАН УКУ ЮНӘЛЕШЕНӘ НИЧЕК ЭЛӘГЕРГӘ?

Абитуриентлар берничә категориягә бүленә. Үз көченә һәм бары тик БДИ нәтиҗәләренә ышанганнар һәм өстенлеккә ия булучылар. Соңгылары арасында максатчан уку юнәлеше буенча укырга керүчеләр бар. Икенче төрле аларны “целевиклар” дип атыйлар.

Быелдан бу юнәлештә үзгәрешләр бар. 2013 елда кертелгән кагыйдәләр гамәлдән чыгарылган. Хәзер абитуриент үзенең укуын түли торган заказчикны үзе табарга, анда практика узарга һәм шушы эшкә кире кайтырга тиеш. Бу кагыйдәләрне истә тотмасаң, уку өчен түләүне студентка капларга туры килә. Мисал өчен, бер уку елы өчен түләү 200 мең сум, дип алсак, нәтиҗәдә, 4 ел уку өчен 800 мең сумны чыгарып салмагаең. Әгәр эш белән тәэмин итүче кагыйдәләрне бозса, вузга акчаны шушы оешма түли, җитмәсә, үз целевигына өч айлык хезмәт хакын да түләргә бурычлы.

“Агрономия”, “Филология”, “Лингвистика” юнәлешләренә максатчан уку юнәлеше буенча керүчеләргә бюджет урыннарының 10 проценты бүлеп бирелә. “Җайланмалар төзү”, “Радиотехника” юнәлешләренә – 20 һәм 30 процент. “Хореография сәнгате һәм башкару”, “Халык җырларын башкару” юнәлешләренә бюджет урыннарының 50 процентын бүләләр. Максатчан уку юнәлешенә эләгү өчен, юллама алуның соңгы көннәре җитә. Шуңа ашыгырга кирәк.

  1. Юлламаны кем бирә ала?



  • федераль дәүләт органнары

  • төбәкләрдәге дәүләт хакимияте органнары

  • министрлык, ведомстволар

  • дәүләт һәм муниципаль учреждениеләре (хастаханә, сырхауханә, театр, архив, шулай ук унитар предприятиеләр, дәүләт корпорацияләре, дәүләт компанияләре)

  • оборона-сәнәгать оешмалары (махсус рестрга кертелгәннәре)

  • акционер җәмгыятьләре



  1. Кайсы юнәлешләргә юллама алып була?


Бу исемлек бик зур. Быел бакалавр юнәлешенә “Геология”, “География”, “Химия”, “Психология”, “Чит ил төбәкләрен өйрәнү”, “Халыкара мөнәсәбәтләр”, “Социология фәннәре” өстәлгән. Специалитет юнәлешенә “Фундаменталь математика”, “Хокук саклау эшчәнлеге” белгечлекләре дә кертелгән.

  1. Юнәлеш алырга кая барырга?


Моның өчен интернетта шактый казынырга туры киләчәк. Шушы юнәлеш өчен җаваплы булган ведомство яки син эшләргә әзер булган предприятие яки корпорацияне эзләргә кирәк. Анда кадрлар идарәсе яки департаментын табып, элемтәгә чыгу мөһим.

Әгәр табиб булырга теләсәң, Сәламәтлек саклау министрлыгы яки идарәсенә гариза язарга, кадрлар идарәсенә документларыңны, бөтен уңышларың турында мәгълүмат тапшырырга кирәк.

  1. Нинди документлар таләп ителә?



  • шәхси документлар

  • төрле конкурс-олимпиадалар катнашу турында дипломнар

  • мәктәптәге өлгереш турында белешмә

  • характеристика (кайбер җирләрдә таләп ителә)


БДИ нәтиҗәләрен соңрак тапшырып була.

  1. Ничә "целевик"ны алалар?


Әлеге мәгълүмат һәр вузның үз сайтында языла. Мисал өчен, Югары икътисад мәктәбендә 200дән артык кешене кабул итәләр. МГИМОга целевиклар өчен бары тик 34 урын кына бүленгән. МИФИга 78 целевикны кабул итәчәкләр.

Алинә МИННЕВӘЛИЕВА әзерләде

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4850
    2
    96
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2880
    1
    81
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2462
    0
    59
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1888
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1580
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    107
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    110
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019