КЫШ БАБАЙ КОСМОСКА ДА КИЛӘ!

Әгәр син иң текә Яңа ел бәйрәме үзеңдә дип уйлыйсың икән, нык ялгышасы, дустым. Иң текә бәйрәм – Халыкара космик станциясендә эшләүче космонавтларда.

Бездән нибары 400 чакрымда гына инде 20 ел зур орбиталь комплекс – Халыкара космик станция очып йөри. Анда озак вакыт дәвамында берьюлы берничә кеше эшли алырлык шартлар тудырылган. Ярый, эшләп була да, ди, ә менә Яңа елны бәйрәм итү белән ни хәл космоста?

Әлбәттә, космонавтлар да бәйрәмнәрне ярата. Яңа елны алар аеруча көтеп ала. ХКСта бәйрәмне 15-16 тапкыр (быел – 15) билгеләп үтәргә мөмкин – станция Җир тирәли 90 минутка бер әйләнеш ясый. Әмма гадәттә Яңа елны 3-4 тапкыр гына – станциядә эшләүче очучылар илләрендәге вакыт буенча каршылыйлар. Бу бәйрәмне космонавтлар аеруча ярата, чөнки махсус раштуа корабы аларга тәм-том, Кыш Бабай һәм туганнарынан бүләкләр китерә. Чыршыны, аны бизәү өчен уенчык-ялтыравыкларны шулай ук Җирдән биреп җибәрәләр. Яңа ел агачын бизәгәндә аны берәр нәрсәгә беркетергә онытмаска кирәк – алайса бәйрәм символын таба алмавың да бар.



Бәйрәм табынына “Җир бүләкләре” арасында чын әфлисуннар, консерва савытында алма десерты, диңгез хәшәрәтләре, горчица, кетчуп очрый. Очучылар аеруча көткән бүләкләр –якыннары үз куллары белән ясаганнары (фотоколлажлар, видефильмнар, рәсемнәр, открыткалар, уенчыклар, медальләр).

Россия космонавтлары Яңа елны традицион рәвештә “Ирония судьбы...” фильмын карап, президент мөрәҗәгатен тыңлап каршылый. Бәйрәмчә табын – мәҗбүри. Төрле илләрдән булган космонавтлар бер-берсен үзләренең ашамлыклары белән сыйлый, табын – уртак.



Хәзерге вакытта ХКСта Россиядән бары тик бер космонавт – Олег Кононенко эшли. Әмма аның быелгы Яңа елы күңелсез үтәчәк икән: шул исәптән аңа дигән бүләкләрне орбитага алып чыгарга тиешле “Союз МС-10” корабы октябрь аенда һәлакәткә очраган иде.

Олегка дигән бүләкләр Раштуа оегына тутырылган була. Җирдән аңа җиләкләр, чикләвекләр, кәнфит, горчица һәм кетчуп биреп җибәрергә теләгәннәр – космостагылар Җирдәге ризыкларны бик сагына икән. Олег үзе исә күңелен төшерми – әле яңа гына ул барлык Җир кешеләрен Яңа ел белән котлаган, Җирне сакларга, анда уздырган һәр минутны кадерләргә чакырган.

[embed]https://www.youtube.com/watch?v=7LvWpz27tK4[/embed]

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2628
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    762
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    662
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019