КӨЗ КӨНЕ МОҢСУЛАНМАС ӨЧЕН НИШЛӘРГӘ?

Көзне сагыш, моң, хәлсезлек белән чагыштыралар. Белгечләр әйтүенчә, көзге депрессиягә күп очракта эшсезлектән интеккән кешеләр бирешә икән. Тормышының һәр минутында ни белән дә булса мәшгуль булган кешенең моңсуланып утырырга вакыты кала димени?! Һәм бу тышта елның кайсы ел фасылы булуына бәйле түгел.  Әйдәгез, без дә кул кушырып утырмыйк. Көз айларында моңсуланмас өчен нишләргә? Хәзер беләбез!

Импровизация һәм көз

Әгәр син укырга яки эшкә җәмәгать транспортында яки машинада йөрисең икән, берәр көнне җәяү барып кара. Юлың берәр парк аша узса, тагын да шәбрәк! Ялларда телевизор каршында утырганчы берәр матур җиргә барып кайт.  Шау-шу яратасың икән, берәр көнеңне тынычлыкта уздырып кара.

Экспериментлар һәм көз

Моңарчы алынып карамаган берәр тәмле әйбер пешереп кара. Гадәти кичке аш урынына бәйрәм өстәле әзерлә. Теләсәң, кунаклар да чакырырга мөмкин!

Көз -  үзгәрешләр өчен менә дигән вакыт!

Стилеңне үзгәрт, прическаңны алыштыр, чәчеңне буя. Болар барасы да кәефне күтәререгә ярдәм итә! Ышан!

Хисләр һәм көз

Эчке хисләреңне тышка чыгар. Бер генә сәгатькә булса да! Шул вакыт дәвамында  рәхәтләнеп кычкыр, бие, йөгер, җырла, котыр!

Медитация һәм көз

Үзеңә туры килә торган медитация төрен уйлап тап яки уйлап табылганнарын куллан! Шул халәт вакытында бер нәрсә турында да уйламаска тырыш. Табигать тавышларын кабызып җибәрсәң, бигрәк тә яхшы.

Көзен үзең булырга өйрән

Кемдер булып уйнадан туктарга тырыш. Кем өчендер бик мөһим булган кыйммәтләр һәм стереотиплар колы булма. Үзеңнең уникаль, кабатланмас булуыңны аңла. Кемдер булырга тырышу кешене акылдан яздыра.

Үзеңне ярат

Үзеңне ничек бар, шул килеш яратырга кирәк. Кимчелекләр эзләмичә, гаепләр такмыйча... Үзең үзеңне кадерләмәсң, яратмасаң, тагын кем шулай яратыр һәм кем кадерләр!

Һәр көнеңне соңгысы кебек итеп үткәр

Гомер күз ачып йомган арада уза да китә. Якыннарың белән ешрак очраш, гомереңне заяга уздырма, хыялларыңны бүгеннән үк тормышка ашыр! Тормышыңның һәр мизгеленнән ләззәт алып яшә.

Иҗат һәм көз

Иҗат итәргә ашык. Үзеңә ошаган эш белән шөгыльлән. Эшләгән һәр эшеңнең нигезендә иҗат ятсын.

Шатлык һәм көз

Кечкенә генә җиңүләреңә дә шатланырга өйрән. Җиңелүләргә дә шатлан. Алар сиңа белем һәм тәҗрибә бирә.
Күңелсез вакыйгалар турында оныт. Аларны гел исеңә төшереп, син шатлыклы мизгелләрне күрми калырга мөмкинсең.

Көз гаҗәпләнү өчен менә дигән вакыт

Гаҗәпләнергә ашык. Урам буйлап барганда тукта да, әйләнә-тирәңә кара. Көз – табигатьнең иң гүзәл мизгеләренең берсе. Гаҗәпләнмәс җиреңнән гаҗәпләнерлек бит!

P.S. Бирелгән исемлектәге киңәшләрнең берничәсен булса да үтәп кара. Һәр көнеңне матур, файдалы, кызыклы итеп уздырырга тырыш. Шул чакта син тормышның ничек матур булуын күрерсең!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2020 - 14:23
    ВАСЫЯТЬ Бер авыл балалары, араларында бер яшь кенә аерма булган Мәдинә белән Дания, бәләкәйдән җитәкләшеп, бергә уйнап үстеләр. Барлы-юклы уенчыклары белән бүлештеләр. Өч тәрәзәле, бәләкәй генә, җиде җанны сыйдырган кысан өйдә үскән Дания күп вакытын Мәдинәләрнең иркен, якты өендә үткәрә иде. Мәдинәнең әнисе дә, бу ике кызның саф дуслыгына сөенеп, Данияне үз кызыдай якын күрде.      
    3310
    1
    37
  • 12 май 2020 - 15:16
    ҖАНЫҢНЫ БИРСӘҢ ДӘ... Илназы Ходайдан сорап кына алган баласы булды Тәслимәнең.  Ире Хариска чыккач та сигез ел буена балага уза алмады ул. И ул чакта күргәннәре!.. Кайларда гына бармады, кемнәргә генә күренмәде. Багучылар, фал ачучылар, дәвалаучылар калмады. Врачлар турыдан-туры өметеңне өз дигәннәр иде инде.
    2652
    0
    22
  • 15 май 2020 - 14:45
    ЮЛ Яңгыр ява. Ишеп тә, биткә бәреп тә түгел — сибәләп... Салкын пар кебек, тавышсыз-тынсыз гына, әмма үзәкләргә үтәрлек итеп... Бигрәк тә олы юл чатында басып торганда, болай да еларга тулышкан җаныңа дым булып сеңә бу яңгыр...
    1987
    0
    19

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019