КОРОНАВИРУС ЭПИДЕМИЯСЕ ШАРТЛАРЫ: ИМТИХАННАР, ВУЗГА КЕРҮ НИЧЕК БУЛАЧАК??

Россия Президентының 21 майдагы киңәшмәсе белем бирү өлкәсендәге вәзгыятькә ачыклык кертте. Хәзер инде БДИның төгәл кайчан башланачагы, вузларга керү, түләүле рәвештә уку буенча яңалыкларны авыз тутырып сөйләргә мөмкин.

Мәктәп имтиханнары

– БДИны җитди сәбәпләр таркасында тиешле вакытында тапшыра алмаган кешеләр, аны августта бирә алачак. Шулай итеп, бу укучылар вузларда калган урыннарга дәгъва кыла алачак. Димәк, бер еллары бушка узмыйча, көздән үк укый башлаячаклар.

– Путин БДИ тапшыру өчен өстәмә вакытны җәй көне генә түгел, ә киләсе уку елы дәвамында да оештыруны карарга тәкъдим итте

– Бөтен укучылар да аттестатларны 15нче июньгә кадәр алачак. Аларга билгеләр уку елы нәтиҗәләре буенча куелачак. 9нчы сыйныфларга да аттестатлар шушы схема буенча тапшырылачак. Алар өчен имтиханнар үткәрелми.

– Бөтенроссия тикшерү эшләре киләсе уку елы башында узачак.

– Чыгарылыш укучылары өчен хәрби хезмәткә чакырылыш кичектерелә.

– БДИ тапшыру пунктлары битлекләр белән тәэмин ителәчәк, укучыларны бер-берсеннән 1,5 метр аралыкта утыртачаклар. Имтихан тапшыручыларның тән температураларын тикшерәчәкләр, адуиторияләр, сынау башланганчы, дезинфекцияләнәчәк.

Вузларга укырга керү

– Россия вузлары уку елын 1нче сентябрьдә башларга тели. Чыгарылыш сыйныф укучыларын – июльдә, магистратурага җыенучыларны июньдә кабул итә башларга телиләр. Августта исә укырга кабул ителү турында карарлар чыгачак.

– Университетлар чыгарылыш сыйныф укучыларыннан күп дигәндә өч имтихан нәтиҗәсен генә таләп итә алачак.

– Документларны үзең килмичә, берничә вузга берьюлы тапшырырга мөмкин булачак.

– Путин вузларга өстәмә рәвештәге бюджет урыннарны оештырырга кушты. Аның фикеренчә, чыгарылыш сыйныф укучыларының 60 проценты бюджет бүлегендә укырга тиеш.

– Вузларда уку елы, алдан планлаштырылганча, июльнең беренче яртысында төгәлләнергә тиеш.

Уку өчен түләү

– Путин, эпидемиологик ситуацияне күздә тотып, вузларда уку бәясен арттырмаска өндәде.

– Ул шулай ук 42 миллиард сум акчаны белем бирү, фән һәм мәдәният федераль учреждениеләренә бүлеп бирергә кушты. Бу акчалар шул исәптән вуз укытучыларының хезмәт хакларын түләү өчен дә тотылачак.

– Путин шулай ук белем бирү кредитларының ставкаларын киметү мәсьәләсен, алар буенча салым вычетларының күләмен арттыруны карарга кушты. Аның фикеренчә, яшь кеше укуын максималь рәвештә ташламалы шартларда түли алырга тиеш.

– Президент шулай ук югары квалификацияле белгечләр җитмәгән төбәкләрдә хакимиятләр бушлай уку мөмкинлеген күпләп тудырырга тиеш, дип саный.

– Россиянең Мәгариф министрлыгы 2020 елда вузларга теләктәшлек итү өчен яңа дәвамлы проект башлап җибәрергә кушты.

Фото Россия Мәгариф Министрлыгы сайтыннан алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2486
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2320
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1967
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019