КОРОНАВИРУС ЭЛӘКТЕРҮ ИХТИМАЛЫ ЗУР БУЛГАН УРЫННАР

Табиб вирусны эләктерү ихтималы зур булган урыннар исемлеген атады. Тулырак безнең язмада.

СӘЛАМӘТЛЕКНЕ САКЛАП КАЛУНЫҢ ИҢ ЯХШЫ ЫСУЛЫ НИНДИ?

Коронавирус эләтерү ихтималы нинди урыннарда зуррак? Әлеге сорауга җавапны медицина фәннәре кандидаты, табиб Владимир Зайцев бирә. Аның фикеренчә, пандемия чорында сәламәтлекне саклап калуның иң яхшы ысулы – өйдә калу. Җитди сәбәпләр аркасында урамга чыгарга туры килсә, вирусны кайда эләктерү ихтималы зуррак булуын истә тотарга кирәк.

ВИРУСНЫ ЭЛӘКТЕРҮ ИХТИМАЛЫ КАЙДА ЗУРРАК?

Иң куркыныч урыннарның берсе – даруханә. Анда, гадәттә, авыру кешеләр йөри. Кемдер фармацевттан киңәшләр сорый. Нәтиҗәдә, чират хасил була. Ә кечкенә генә даруханәләрдә дистанцияне саклау бик кыен. Вирус төчкергәндә, йөткергәндә һәм хәтта сулаганда да тарала ала. Зайцев, даруханәләргә керергә туры килсә, борынга вируска каршы махсус мазь тидерергә һәм маска киеп керерегә өнди. “Чират барлыкка килмәсен өчен анда кергәнче үк даруларның аналоглары белән танышырга һәм үзеңә нәрсә кирәген төгәл белергә кирәк, - ди ул, - даруханәгә кергәндә һәм чыкканда кулларны антисептик белән чистарту да мөһим”.

Эпидемия чорында иң курыкынч урыннарның икенчесе – кибетләр. Монда кергәндә дә маска кияргә, озаклап йөрмәскә киңәш ителә.  Кибеткә һәрчак бер генә кеше йөрсен. Ул кеше ир-ат булса яхшырак, чөнки ул күбрәк әйбер алып кайта алачак. “Бармакны ялап пакетларны ачарга һич кенә дә ярамый!” – дип кисәтә табиб.

Моннан тыш, авыру эләктерү ихтималы ягулык салу станцияләрендә, этләрне йөрергә алып чыкканда һәм чүп савытлары тирәләрендә зур. Мондый урыннарда булганнан соң кулларны яхшылап сабын белән юарга, этләрнең аякларын чистартырга киңәш ителә. Ә ягулык салганда пистолетка тотынмас өчен бу эшне андагы эшчеләрнең эшләвен сорарга мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2545
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    690
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    613
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019