КӨН ЯХШЫ ҮТСЕН ӨЧЕН ИРТӘНЕ НИЧЕК БАШЛАРГА?

Көннең ничек узуы турыдан-туры иртәңне ничек башлауга бәйле. Иртәне дөрес башлау өчен 7 киңәшебез бар. Тизрәк кереп таныш һәм тормышыңны яхшы якка үзгәрт.

1. Уянгач та торабыз

Бу проблема күп кешегә таныштыр. Будильник чыңлагач та тагын бер ярты сәгать кенә (!) ятып тору. Нәтиҗәдә тагын йоклап калу. Ни өченбез тора алмыйбыз соң? Чөнки кичен йокламыйча телефонда утырабыз. Шул рәвешле төнге 1-2 җиткәнен дә сизми калабыз. Ким дигәндә кичке 23.00 дә йокларга ята башлыйк. Һәм һәр иртә саен эчебездә уянган теге киренең: “Әйдә, тагын 5 кенә минут”, - дигән сүзен тыңламыйк яме.
2. Лимонлы су эчү (5 минут)

Иртәнге ашка тотынганчы башта ашказанын да уятып җибәрергә кирәк. Моны лимонлы су яхшы башкара. Шулай ук су белән лимон согы катнашмасы организмдагы токсиннарны да чыгарырга булыша.

3. Иртәнге зарядка (10 минут)

Максатыбыз – организмны уятып җибәрү. Көн дәвамында актив булырга әзерләнәбез. Күңелеңә яткан күнегүләрне сайлый аласың.

4. Контрастлы душ (10 минут)

Иртән контрастлы душ керү тәнебез өчен бик файдалы. Кайнар су тәэсирендә кан тамырлары киңәя, организмнан шлаклар чыгарыла. Салкын һәм кайнар суның тәнебезгә чиратлашып тәэсир итүе кан әйләнешен яхшырта, канны сыеклата. Шулай ук мондый душ тизрәк уянырга да ярдәм итә.

5. Биеп алабыз (5 минут)

Иртәне дөрес башлауның киләсе этабы телевизор кабызу да, Инстаграм “актару” да түгел. Ә күңелле музыкага рәхәтләнеп биеп алу. Иң мөһиме – оялмау. Елмаерга да онытма!

6. Тәмле һәм туклыклы иртәнге аш (20 минут)

Хәзер инде иртәнге ашка керешсәк тә була. Иртән дөрес туклану көн дәвамында энергия чыганагы. Кемдер иртән бөтенләй бернәрсә дә ашамый, кемдер каһвә генә эчеп куя. Алай эшләргә кирәкми. Иртәнге ашта аксым да (ит, балык), углеводлар да (ярмалар), клетчатка да (яшелчәләр) булырга тиеш.

7. Бүгенге көнгә билгеләнгән максатлары барлау (10 минут)

Менә син уяндың! Көч тупладың! Һәм таулар күчерергә дә әзерсең! Хәзер көн дәвамында ирешергә тиешле максатларны барлыйбыз. Иң яхшысы – аларны кичтән үк билгеләп куябыз һәм иртән тулыландырып бетерәбез.

Көннәрең уңышлы үтсен!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    950
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    505
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    378
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019