КИЧЕР МИНЕ, УКЫТУЧЫМ...

Бу «балалар» үз вакытында укытучыларга җитәрлек мәшәкать тудырган. Дәресләрне 5 кенә минутка тоткарлар өчен, көннәр, сәгатьләр буе план корган. Ә кемдер дәрескә барып та тормаган. Соңыннан тотылып, дисциплина өчен шелтәләр алган. Ә бүген алар – танылган артистлар, мәктәпләрен, укытучыларын зур хөрмәт һәм сагыну белән искә алалар.

Ринат Галиәхмәтов «Татар Малай», блогер:

«Мәктәптә укыганда, бик шук малай идем: гел коридорлар буенча йөгереп йөрдем. Тәнәфестә, котырганда, ялгыш кына сыйныфтагы шкафны аудардым. Берсендә, укытучы тәмам туеп, мине кызыл лента белән бәйләп куйды. Гел сагыз чәйнәгәнгә, сыйныф җитәкчесенең түземлеге бетеп, сагызны чәчемә ябыштырганы да булды.

3нче классларда булган хәл әле дә истә. Элек безнең мәктәпнең пыяла теплицасы бар иде. Сыйныфташ малай белән шунда кереп уйнадык. Таш алабыз да өскә атабыз – пыялалар чатнап янәшәбезгә ватылып төшә. Бер укытучы безне күреп алып куып чыгарды. Икенче көн линейкада бөтен укучылар каршына бастырып сүктеләр.

Бөтен кылган балачак “этлекләрем” көндәлеккә зур кызыл хәрефләр белән язылып барды. Хәзер менә шуклыкларым өчен бик үкенәм».

Алинә Әхмәтшина, җырчы:

«Мин мәктәптә уза торган бөтен концерт-чараларда җырладым. Тырышып укырга да өлгердем. Сәгатьләр буе дәрес әзерләдем. Укырга баргач, өйдә өйрәнгәннәрне тизрәк сөйләп бирергә ашыктым.

Тик дәрестә, яңа тема башласак, укытучыларның нерв җепселләрен тарткаладым. Аңламаган әйберне кат-кат укытучыдан сорап, йөдәтеп бетерә идем. Теманың асылын төптән аңлагач, берничә мисал белән дәлилләүләрен сорап туйдырып бетердем.

Укытучылар миңа: «Син – энерговампир», – дип әйтәләр иде. Тик бу сүз яхшы яктан чыгып әйтелә иде. Чөнки мин тизрәк яңа материалны үзләштерергә тырыштым. Ныклы белем алырга теләдем. Мине гаеп итмәсеннәр иде».

Айнур Каюмов, җырчы:

«Минем мәктәптә яратмаган бер фәнем бар иде. Шул дәресне укымас өчен, иң беренчеләрдән укырга килдем. Дәрес алдыннан, сыйныф ишеге ачылмасын өчен, дус малайлар белән төрле хәйләләр уйлап таптык. Шуларның берсе – йозакка симәнке чүбе тутыру. Укытучы озак вакыт ярыкка ачкыч тыга алмый азаплана. Ә вакыт бара, дәрес кыскара... Без, берни аңламаган кыяфәт чыгарып, укытучы янында тезелешеп басып торабыз.

Хәзер мәктәптәге кыңгыр эшләрем өчен бик оят. Укытучы апаларым гаеп итмәсеннәр иде”.

Лилия Хәйруллина, җырчы:

Мин мәктәптә бик тәртипле, җитди укучы идем. Дәресләргә соңга калмадым. Һәрвакыт өй эшләрен эшләп, кушылган мәктәп формасын киеп йөрдем. Әти-әниләр танылган кеше булгач, аларның йөзләренә кызыллык китермәскә тырыштым.

Чыгарылыш сыйныфка җиткәч, башыма бер уй кереп оялады: 11 ел укып, бер мәртәбә дә кагыйдәләрне бозмаганмын икән бит! Шуңа күрә дәресләргә барып тормаска булдым. Берничә тапкыр әйбәтләп кенә рус теле фәнен «тозладым». Мәктәпкә баргач, яхшы укучы дип тормадылар, бастырып сүктеләр инде, әлбәттә. Гомерлеккә сабак булды шул хәл”.

Нравится
Комментарии (0)
Осталось символов:
Шәп укыла
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    2266
    1
    29
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    2001
    0
    15
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1964
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1863
    2
    24
  • 13 октябрь 2019 - 16:16
    ТУГАННАР Хәрби хезмәтнең ярты срогын диярлек бер кисәтү-искәрмәсез үтәгән Айратны часть командиры үзенә чакырып алды. “Рядовой Галимов, менә сиңа чираттан тыш ялга приказ. Вакытында килеп җит”,- дип искәртте. Туган өенә кайтып килергә бик өметләнсә дә, егет бу мәсьәлә болай тиз генә чишелер дип көтмәгән иде. Әнә, хезмәткә аннан алда алынган иптәшләренең дә кайберсе әле ялга кайтмаган.
    1641
    1
    34

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    207
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    273
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019