«КАРИЕВ»та ЯҢА СПЕКТАКЛЬ: «СӘЛАМ, АКТӘПИ»

“Сәлам, актәпи!” – апрель аенда узган “TAMGA” режиссерлык лабораториясе нәтиҗәсендә сайлап алынган эскизларның берсе. Әсәрнең авторы – Александра Сальникова. Татар теленә аны Халисә Уразова тәрҗемә иткән.  Режиссеры – Александра Ловянникова.

Танылган режиссер К.С.Станиславскийның “Театр кием элгеченнән башлана” дигән сүзләре тулысынча бу спектакльгә туры килә. Ник дигәндә, аның төп үзенчәлеге шул: Әлеге спектакль гардеробта уйнала. Аны 50 тамашачы карый ала. “Сәлам, Актәпи!” дә нибары 6 артист катнаша. Әмма аларның һәрберсе диярлек 4-5 рольдә уйный.  Г.Кариев театры артисты Альбина Гайзуллина бу турыда:

– Спектакль дәвамында безнең ярты гәүдәбез генә күренә. Секунд эчендә аска “чумып”, без бер образдан чыгып, икечесенә күчәбез. Балаларда: “Бу әле генә эт иде бит, ничек хәзер әнигә әверелде?” – дигән сораулар бөтенләй калмый. Персонажларның барысының да бер хыял – этле булу. Спектакль шул турыда, – ди.

Премьера кайчан була?

Көтеп алынган премьера 26, 27 октябрь көннәрендә узачак. Әмма аңа билетлар инде калмаган. Театр коллективы спектакль көндез дә, кич тә барачак, ди. Шуңа күрә үзегезгә уңайлы вакытка билетларны алып куярга ашыгыгыз. “Спектакль балаларның гына түгел, олыларның да күңеленә хуш киләчәк, - ди артистлар, - ул балачак дөньясына алып кайта”.

“Бик чыгымлы спектакль булды ул”

Театрның баш режиссеры Ренат Әюпов:

– Үземнән чыгып әйтәм, бик чыгымлы спектакль булды ул. Бу спектакльне караган бөтен бала эт сорый. Фатирда эт асрап булмый, шуңа күрә репетиция вакытында спектакльне караган улым Нурланга 4800 сумлык робот эт алып бирәсе булды. Мондый этне ашатасы, артыннан җыештырасы юк. Аның каравы, ул кушканны үти, – дип көлә.

Альбина Гайзуллиананың ике улы да әти-әниләреннән эт сорый башлаган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2463
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2303
    0
    12
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1952
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019