КАРАНТИНДА ТУГАН КӨН БӘЙРӘМЕН НИЧЕК ОНЫТЫЛМАСЛЫК ИТЕП ҮТКӘРЕРГӘ?

Пандемия дөньяны беркем көтмәгәндә генә биләп алды, ә туган көн – без һәрчак зарыгып көтеп ала торган бәйрәм ул. Тик яз айларында дөньяга килгән бөтен кешегә быел туган көннәрен үзизоляция режимында билгеләп үтәргә туры килә. Мәсәлән, минем иң якын дустым Камиләнең күптән түгел туган көне булды. Аның тәҗрибәсеннән чыгып, мин сезгә туган көнегезне карантин вакытында онытылмаслык итеп үткәрергә тәкъдим итәм:

1. Бу мөһим көн алдыннан яхшылап йокла. Иртәрәк ятып, вакытында тор, чөнки йокы туйса, кәефең көне буе яхшы булыр.

2. Иртәне матур нотадан башлар өчен, "Тикток"тагы рецепт буенча тәмле каһвә яса: чокырга 2 бал калагы шикәр һәм шулай ук 2 калак каһвә сал һәм 2 минут венчик белән болгатып, куелыкка җиткер. Аннан кирәгенчә су һәм сөт салып болгат. Синең туган көн каһвәсе әзер!

3. "Инстаграм"га матур фото керт! Танышларың һәм туганнарың комментарийларда сиңа туган көн котлаулары җиткерсен.

4. Позитив фильм яки сериал кара: "Стажёр", "Ривердейл", "Мелкая","Идеальное свидание", "Мы купили зоопарк". Күп кенә сериалларны дуслар белән бергә дистанцион рәвештә карап була. Моның өчен notalone.tv сайтына дусларыгызны чакырып, теләгән сериал сайлагыз. Бер үк вакытта сез сериал да карый аласыз, дуслар белән чатта да язышасыз.

5. Торт - туган көннең иң мөһим тәм-томы. Аны бизәр өчен, шәмнәр сатып алыгыз.

6. Син беркайчан ашамаган яки күптән ашап карарга теләгән тәм-томнарның кечкенә генә исемлеген төзе. Шуларны сатып ал яки пешер һәм туган көннең тәмен таты!

7. Дусларыңны онлайн туган көнгә чакыр! Видеоочрашулар өчен Zoom платформасы туры килә. Дистанцион рәвештә үткәрелгән бәйрәмдә музыка тыңлагыз, "Правда или действие" уйнагыз. Хәтта бергәләп җырласагыз һәм биесәгез дә була!

8. Онлайн туган көннең ахырында хыялыңның чынга ашуын теләп, торттагы шәмнәргә өр. Дусларың бу мизгелне видео төшереп сиңа җибәрсен. Шушы видеоны киләчәктә карагач, син үзеңнең иң үзенчәлекле туган көнеңне искә алырсың!

Айлия ХАҖИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2561
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    714
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    626
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019