КАНИКУЛЛАРНЫ – ВЕРТОЛЕТ ЗАВОДЫНДА!

Язгы каникуллар ял иү өчен генә түгел, булачак һөнәр белән танышу өчен – менә дигән вакыт. Каникуллар дәвамында Казан вертолет заводында экскурсияләр узды. Гомумән алганда, бер атна эчендә Россиянең төрле шәһәрләреннән 150 укучы вертолет заводында булды.

Татарстан башкаласына тур белән килүче укучыларны Казан вертолет заводы белән таныштыру үзенә күрә бер традициягә әверелде. Хезмәт даны музеенда укучыларга илебезнең вертолет төзү предприятиеләренең иң зурларының берсе булган заводның нигез салынуы турында сөйләделәр. Егет-кызларны У-2 (По-2) самолеты аеруча кызыксындырды. Әлеге техника КВЗда Бөек Ватан сугышы вакытында чыгарылган, хәзер аның музеенда урнаштырылган. Шулай ук 1952 елдан бирле чыгарылган барлык вертолетлар турында да белделәр. Соңыннан яшьләр җыю цехында булды.

Шулай ук әлеге заводта “Интеллектуаль будильник” Бөтенроссия яшь уйлап табучылар слеты катнашучылары да экскурсиядә булды. 2016 елдан башлап аның катнашучылары заводка кунакка килә. Быел алар завод музее, монтаж-җыю цехында булды - аларга компьютерда сызылган вертолет сызымнарына кадәр күрсәткәннәр! Укучылар Ми-8/17, Ансат и Ми-38 вертолетларының ничек җитештерелгәнен күрде.




Вертолет заводы профориентация юнәлешендә инде күптәннән эш алып бара. 2014 елның сентябреннән Казанның 54нче мәктәбендә "вертолет" сыйныфы ачылды. 2015 ел ахырында КИТТУ-КАИда “вертолет төзелеш” кафедрасына нигез салынды.

2018 елда 1000 укучы заводта экскурсиядә булган. Казан вертолет заводы иницитивасы белән 2009 елдан Казанның 8нче гимназиясендә "вертолет" сыйныфы булдырылды. Аны тәмамлаучылар физика, математика фәннәрен тирәнтен өйрәнә, аларның техник вузларга, шул исәптән авиация профилендәгеләренә дә, керү мөмкинлеге арта.

Алинә МИННЕВӘЛИЕВА әзерләде

Фото: Казан вертолет заводының матбугат хезмәте

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    692
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    544
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    344
    0
    0

Блоглар