ЙОГА КЕМНӘРГӘ “ЙОГА?”

Һәркөн бәйрәм, һәркөн туй. Бүген нинди бәйрәм, дисеңме? 21 июнь – Халыкара йога көне. Йога һәм аның белән шөгыльләнүчеләр турында күбрәк беләсең килсә, тизрәк язманы укы! ;-)
Нәрсә ул?

Йога – үз-үзеңне камилләштерү системасы. Әлеге система фәлсәфә һәм дин белән бәйле.
Аны кайларда бәйрәм итәләр?

Бу бәйрәм Россия, Украина, Белоруссиядә инде 5нче ел билгеләп үтелә.
Кемнәр бәйрәм итә?

Халыкара йога көнен йоглар, тренерлар, аларның укучылары бәйрәм итә.
Бу көнне нәрсәләр эшлиләр?

21 июнь көнне йога буенча ачык дәресләр үткәрелә. Мастерлар асана (позалар) серләрен ача.


Кызыклы фактлар

Йога индуизм диненә барып тоташа. Йоглар тәннәре, хисләре һәм үз-үзләрен тотышлары белән идарә итәргә өйрәнә.

Әлеге агымга нигез салучы булып Патанджали (б.э.к. II гасыр) тора. Ул баш миен, төрле халәтләрне контрольдә тоту ысуллары, гармониягә ирешү юллары турында язган.

Ә менә Д. Эберт дигән галим йоганың организмга уңай йогынты ясавы турында нәтиҗә ясаган. АКШ армиясе солдатларының иртәнге зарядка урынына йога белән шөгыльләнгән вакытлар күп була икән. Күнегүләр арасында медитация дә бар. Алар әйтүенчә, ул кәефне күтәрә, стрессны бетерә.




Алсу Фәйзрахманова, 26 яшь:



– Йога белән 24 яшемдә кызыксынып киттем. Бер танышым үзенең дәресенә чакырды, ялгыш кына шунда бардым. Ошаттым һәм һәр дәрескә йөри башладым. Беркайчан иренмәдем, гел барасым килеп бардым. Шулай йога дөньясына кереп киткәнемне сизми дә калганмын.

Ярты еллап вакыт узгач,  үземдә үзгәрешләр тойдым. Тормышның тәмен, ямен яңадан ача башладым. Йога ул физик күнегүләр генә түгел, ул – яшәү рәвеше. Йога уйлар, фикерләрдә, кешеләр белән аралашуда да чагыла. Шулай ук йогада тавыш терапиясе, мантралар җырлау, сулыш алу дигән төшенчәләр дә бар.

Йога проблемалардан котылырга ярдәм итми, әмма ситауациягә башкача карарга өйрәтә.  Һәр килеп туган кыенлыклар уза, син аның өчен борчылырга тиеш түгел.

Һиндстанга йога буенча турга бардым. Йога фәлсәфәсе белән таныштым. Тора-бара үземнең дә башкаларны йога серләренә өйрәтү теләге туды. Бүгенге көндә төп эшемнән тыш инструктор булып та эшлим.

Әлфия Шакирҗанова, 23 яшь:



– Беренче тапкыр йога белән 4 ел элек шөгыльләнеп карадым, узган ел исә тагын бер бу хисләрне татыдым. Йога – ул үз тәнеңә, организмыңа хөрмәт белән карау, аны ярату, үзеңне тыңлау, нәрсә теләгәнеңне аңлау, уй-фикерләрне контрольдә тотарга өйрәнү.

Бүгенге мәгълүмат ташып торган дөньяда тәнеңнең нәрсә теләгәнен аңлау мөһим, чөнки ул үзенә нәрсә кирәген безгә караганда яхшырак белә. Бу эштә йога ярдәмгә килә дә инде. Хәзерге вакытта йога белән йә көн саен, йә көн аралаш шөгыльләнәм.



Зилә САБИТОВА

Нравится
Комментарии (0)
Осталось символов:
Шәп укыла
  • 3 гыйнвар 2020 - 13:07
    ҮГИ ӘНИ Чит авылга килен булып төшкәч, ут күршем дә, киңәшчем, таянычым да Әминә апа булды. Җор күңелле, шатланып, җырлап кына йөри торган апа иде ул. Өч улының өзелеп яраткан әнисе, Ядъкәр абыйның тугрылыклы хатыны иде.
    4979
    2
    79
  • 7 гыйнвар 2020 - 22:36
    ӨЧ ТУГАН − Кызым, йонны алай тарткалама, сузгалама, ярыймы? Менә болай көйләп кенә, аермый гына яз.  Алай өзгәләп бетергәч, ничек  аны җепкә оештырырга, ничек  эрләргә була? Оекбашсыз каласың бит! Нәни куллары белән йон язып утырган Лилия, әнисе күрсәткәнчә эшләргә тырышса да, онытылып китеп уйный башлый.
    4549
    3
    69
  • 13 гыйнвар 2020 - 17:12
    ГОМЕРЛЕ КОЕ “Авылыбызның бер чишмәсе миңа аеруча якын, – дип сөйләп китте, ике ел элек кенә бакча күршебез булып киткән Наилә апа. Дөресрәге, авылдан бераз читтәрәк ул, урман юлы буенда. Ата-бабаларның чишмәне “Гомерле кое” дип атаулары юктан гына булмагандыр – авылыбызның озын гомерле кешеләре байтак. Гадәттә коены – кое диләр, чишмәне – чишмә. Нишләп “Гомерле чишмә” түгел?
    4237
    2
    47

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    489
    0
    0
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019