#ӘйдәВыходи: ҖИҢҮЧЕ БИЛГЕЛЕ!

Дуслар, ниһаять, май башында игълан ителгән #ӘйдәВыходи конкурсына нәтиҗәләр ясыйбыз! Якынча бер ай дәвам иткән бу бәйгедә Сөмбел Миңнегалиева җиңү яулады.

“Урамда яз. Май аенда кояш көннән-көн ныграк җылыта. Көтеп алган озын яллар каршы алды безне. Ялларда вакытны ничек файдалы итеп уздырырга? Гадәттә, барыбыз да май бәйрәмнәрендә өй юабыз, ә ахырдан бар эшләрне төгәлләп, табигатькә чыгабыз, шашлык пешерәбез! Мин дә менә якыннарым белән бергәләшеп беренче язгы пикникка чыгып керергә булдым!” - дип язган иде Сөмбел үзенең фотосы астына.

20 май көнне без бәйгегә килгән барлык фотоларны туплап, алар өчен тавыш бирү игълан иттек. Сөмбел Миңнегалиева биредә  барлыгы 72 тавыш җыйды. Алинә Сәмитова – 5, Мөслим районы Вәрәшбаш мәктәбе укучылары – 2, ә Зилә Зәйнетдинова исә - 1 тавышка лаек булдылар.

Шулай итеп, безнең бәйгедә Сөмбел Миңнегалиева җиңү яулады.  Ул “Татарча орнамент” бренды җитәкчесе Әдилә Һадиевадан искиткеч матур брошь белән бүләкләнә. Аңа ия булу өчен безнең белән элемтәгә керергә генә кирәк. Көтәбез!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    910
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    650
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    555
    0
    0

Блоглар