ЙӨГЕРГӘНЧЕ ТИКШЕРЕНЕГЕЗ!

Сер түгел - спорт белән шөгыльләнүчеләр озаграк яши. Әмма спорт белән шөгыльләнер өчен дә табиблар белән киңәшләшергә кирәк! Бу эшне нәрсәдән башларга?

Спортны сөючеләр еш кына профессиональ спортчылар кебек физик күнегүләргә бик зур теләк белән тотыналар. Әмма организмны артык эшләтү шулай ук дөрес түгел, аның билгеле резервлары бар. Һәм бу резервларны кулланып бетерү кешегә зарар китерә ала.

Шуңа күрә, иртә саен үзегез генә йөгерәсезме, марафоннарда, ярышларда катнашасыгыз киләме - йөрәгегезне тикшертергә, кан басымының гадәттәге күрсәткечләрен ачыкларга hәм шикәр дәрәҗәсен белү өчен канны тикшертергә кирәк.

Спорт белән шөгыльләнүчеләр үзләренең сәламәтлекләрен башкалардан да күбрәк кайгыртырга тиеш. Табиблар «МПК» дигән термин кулланалар. Ул сезнең организм тарафыннан кулланыла торган кислородның максималь күләмен күрсәтә, гади тел белән әйтсәк, организмның мөмкинлекләрен шушы тест төгәл күрсәтә. Аннан чыгып, табиб сезгә спорт белән нинди режимда шөгыльләнергә икәнлеген әйтә ала.

Спортны сөючеләр белән марафон йөгерәсегез килсә, "шикәр"егезне дә тикшертегез. Әгәр дә бу күрсәткечләр яхшы булып, терапевт хәер-фатиха бирсә, марафонда катнаша аласыз, дигән сүз. Әгәр дә кан тамырларыгызда нинди дә булса үзгәреш күзегезгә чалынса, шулай ук тикшеренергә кирәк. Чөнки кан тамырларына бәйле чирләр һәм йөрәк авырулары белән озын дистанцияле марафоннарны йөгерергә ярамый!

Әгәр кешенең йөрәк белән бәйле авырулары яки сәламәтлеге белән бәйле башка җитди проблемалары бар икән, аңа спорт белән шөгыльләнергә ярыймы?

Табиблар бертавыштан «әйе», дип җавап бирә! Хәтта йөрәк кризлары кичергәннән соң да кешене дәвалау hәм реабилитация дәверендә спорт белән шөгыльләнергә өндиләр. Чөнки дарулар белән дәвалануга караганда, физик күнегүләр организмны тизрәк терелтә.

Ә хәзер иң кызыгы - спорт ярдәмендә гомерне озынайтып буламы? Табибларның җавабы бер - була! Гадәттә сәламәт булу өчен кешегә атнасына 150 минут авыр булмаган күнегүләр эшләргә кирәк (мәсәлән, «скандинав йөреше»). Әгәр дә күнегүләр йөгерү кебек авыррак икән, 75 минут та җитә. Шушы 150 яки 75 минутны өч көнгә бүләргә тәкъдим ителә.

Боларның барысы хакында буген сәламәтлек буенча республиканың алдынгы белгечләре Лилия Галимҗанова, Фәридә Тахавиева, Юрий Терегулов һәм Римма Садыйкова катнашында узган пресс-конференциядә сөйләделәр.

Һәм тагын бер кызык мәгълүмат - спорт белән шөгыльләнү баш миендә депрессия hәм начар кәефне жиңәргә ярдәм итә торган гормоннарны уята! Димәк, нык сәламәтлек, шәп кәеф һәм яхшы фигура булсын дисәң - спортны сайла!

Наилә Шиһапова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2544
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    687
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    609
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019