ИНТЕРНЕТСЫЗ БЕР КӨН - МӨМКИН ХӘЛМЕ?

27 гыйнвар, беләсезме, нинди көн? Белмәсәгез, белегез: Халыкара интернетсыз яши торган көн!

Әлеге көннең төп максаты – кешелекне бер генә көнгә булса компьютер, телефон, планшетлар дөньясыннан йолып алу һәм чынбарлыкта аралашуны арттыру, вакытны башка, файдалы эшләргә багышлауны тәэмин итү.

Бу бәйрәм чынбарлыкта да билгеләп үтеләме, әллә календарь битләрендә генә каламы? Төрле яшьтәге һәм төрле эш белән шөгыльләнүчеләрдән бу турыда сораштырдык.

Ләйлә Лерон, Smmчы, блогер:

-  Үзем календарьдәге бәйрәмнәрне бөтенләй яратмыйм. Өстән миңа бәйрәм уздырырга кушалар кебек тоела. Шуңа күрә әлеге Интернетсыз көн дә гади бер көн булып узып китте. Эшем турыдан-туры Интернетка бәйле булгач, ял көннәрендә дә, иртә дә, кич тә мин шунда. Елына барлыгы якынча 5-7 көнне телефонны кулга да алмыйча уздырам, әмма моны алдан уйлап, планлаштырып, клиентларым белән сөйләшеп эшлим. Ял итмәсәң, баш миендә мәгълүмат артык күбәя, яңа идеяләр тумый башлый. Еш кына чит шәһәргә китеп, сим-картаны алып куеп уздырам бу ялларны.

Инернетка бәйлелек бардыр инде. Иртән уянуга, кулыма телефонны алам. Көнгә 4-5 сәгатем шулай уза. Интернет – минем өчен бик файдалы, кирәкле корал. Ул иң гениаль әйберләрнең берсе. Online тормышымны оffline тормышым белән бергә үреп алып барам.

Динара Зиннәтова, вконтактедагы “че гуглит татар кызы” төркеме җитәкчесе:

- Чыннан да, Интернет тормышыбызда артык күбәя башлады:  дуслар белән очрашсак та, кафега килеп утырсак та телефонны кулдан ычкындырмыйбыз. Бу гадәтне бераз чикли башларга кирәктер, дип уйлыйм. Кич белән эштән кайткач, кул телефонга үрелә башласа, үземне ничек тә тыярга, интернеттан ял итеп алырга тырышам.

Әлбәттә, Интернетка, бигрәк тә социаль челтәрләргә бәйлелек бар. Һәм аны контрольдә тотарга кирәк. Әйтик, күзәтеп барган паблик-аккаунтларны һәрдаим чистартып торырга - үзеңә кирәкле, файдалы һәм чыннан да кызыклы булганнарына гына язылырга. Бүлмәңне җыештырып, чисталыкта тоткан кебек, интернет-мохитне дә пөхтәлектә тотарга кирәктер, дип уйлыйм. Оnline-дөньядан арган чаклар да була. Андый вакытларда урамда һава сулап керәм, фитнес яисә йога белән шөгыльләнәм. Шулай ук кәгазь китап укырга, чигү чигәргә, рәсем ясарга яратам.

Мәликә Мотыйгуллина, ТНВ алып баручысы, мәктәп укучысы:

- Андый бәйрәм булганым белми дә идем. Җәйге көннәрендә, сәяхәтләрдә Иинтернет тотмый торган җирләргә эләккән бар. Андый вакытта интернет эзләп йөрмим – ял гына итәм. Көндәлек тормышта Интернет - минем өчен укуымда, эшемдә ярдәмче. Электрон почта белән кулланам, бүгенге көндә БДИга аның аша әзерләнәм, электрон китаплар укыйм, тел өйрәнәм.

Вконтактеда сыйныфташлар төркеме бар – анда уку мәсәләсе буенча гына аралашу бара. Әти-әнигә алар тыныч булсын, дип үземнең кайда икәнемне хәбәр итеп торам. Кайвакыт берәр шатлык белән тизрәк уртаклашасы килә – иң беренче гаиләмә язып җибәрәм.

Үземдә Интернетка бәйлелек тоймыйм, чөнки барысы да чама белән. Вакыт булса, Инстаграмга кереп, дусларымның тормышын күреп, алар өчен шатланып алам.

Зилә Сабитова әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2530
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    670
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    592
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019