ИННОПОЛИСТА - ОЛИМПИАДА

Компьютердан башка яши алмаган яшь программистлар кайда ярыша? Әлбәттә, информатика буенча Ачык олимпиадада. Иннополис университетының шундый бәйгесендә безнекеләр сынатмаган.

Олимпиадада биш сәгать эчендә информатикадан мәсьәләләр чишәргә кирәк булган. Нәтиҗәдә, 13 кеше җиңүче дип табылган. Алар – Татарстан республикасы, Мәскәү шәһәре һәм Мәскәү өлкәсе, Сантк-Петербург шәһәре, Калининград һәм Свердлау өлкәләреннән.

Иннополис университетында программалаштыру буенча оештырылган ачык олимпиадада Н.И. Лобачевский исемендәге лицей укучысы Илдар Гайнуллин җиңү яулаган. Ул мөмкин булган 500 баллдан 382не туплый. Әлеге олимпиадада ул икенче тапкыр катнаша, моңа кадәр дә җиңү яулаган булган. Илдар информатиканы 6нчы сыйныфтан бирле өйрәнә башлый. Хәзер ул программалаштыру буенча олимпиадага әзерләнә. Ул Мәскәүдә 6-8 мартта узачак.

Әлеге сынауда 174 укучы катнашкан. Ярышларның финалы Мәскәү, Санкт-Петербург, Иннополис һәм Витебск (Белоруссия) шәһәрләрендә үткән. Җиңү өчен Үзбәкстан, Болгария, Көньяк Корея, Бельгия, Венгрия, Сербия, Гонконг, Израиль, Украина, Белоруссия укучылары көч сынашкан.

Ачык олимпиада инде дүрт ел дәвамында уздырылып килә. Шушы вакыт эчендә анда 9000 кеше катнашкан. Аның җиңүчеләре вузга кергәндә, ташламаларга ия була, информатикадан БДИда автомат рәвештә 100 балл ала.

Алинә МИННЕВӘЛИЕВА әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    755
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    699
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    515
    0
    0

Блоглар