ИМТИХАНГА ИНТЕРНЕТ ӘЗЕРЛИ

Бердәм дәүләт имтиханына һәм Төп дәүләт имтиханына әзерлекләр гөрләп бара. Кемдер инде күптәннән репетитор белән шөгыльләнә, ә кемдер... Бер дә кайгырмагыз, имтиханнарга әзерләнү өчен хәзер мөмкинлекләр күп, һәм алар төрле.

Без сезгә киләчәк сынауларга әзерлек өчен иң файдалы сайтларны тәкъдим итәргә телибез.

Решу ЕГЭ

Бу сайт – күп кенә Рәсәй укытучылары киңәш итә торганнардан берсе. Анда имтиханнардагы контроль-үлчәү материаллары (КҮМ) тибындагы биремнәр җыелган, хәтта үзең сайлаган темалардан вариант ясап, онлайн-тест үтү мөмкинлеге дә бар. Порталның бер кимчелеге: биремнәрнең чишелешләренә аңлатма аеруча коры һәм кыска. Укучы теманы яхшы аңламаска мөмкин.

Нәтиҗә: бу сайт – практика өчен яхшы чыганак, тик хаталарыңны төзәтү өчен эзләнергә, башка китапларны, дәреслекләрне укырга кирәк булачак.

Яндекс. Репетитор

Бу сайтта СтатГрад һәм ФИПИдан алынган күрсәтмә эшләр җыелган. Алдагы версиясендә видеодәресләр һәм методик әсбаплар да бар иде, ә яңартылган вариантында белешмәләр әлегә аз. Шуңа күрә хәзерге вакытта аны, БДИга мөстәкыйль әзерләнү мөмкинлеге бирә торган сайт диюгә караганда, репетитор белән шөгыльләнүчеләргә һәм дәресләргә өстәмә буларак куллану өчен биремнәре булган портал дип әйтергә мөмкин.

Бингоскул

Бик тә гади һәм аңларга җиңел сайт. Кыска һәм ачык дизайны кирәкле фәннән КҮМны тиз табарга ярдәм итә. Мондагы биремнәрне компьютердан, шулай ук телефоннан да чишәргә мөмкин. Анда шулай ук теоретик биремнәр, тестлар да бар.

Уңай ягы: укучы сайлап алган фәннәр буенча статистика алып барыла.

ФИПИ

Сайт турында «ошамый, әмма кирәк» дияргә мөмкин. Имтихан биремнәрен төзүчеләрнең рәсми базасы саналганлыктан, бу сайт белән дә танышырга кирәк. Ул төзелеше ягыннан матур да түгел һәм уңайсыз да, әмма нәкъ менә имтихан биремнәрен, тикшерү өчен методик кулланмаларны моннан табып була. Мөстәкыйль әзерләнү теләге булса, шактый җитди һәм нәтиҗәле эшләргә мөмкин.

Белем бирү порталы (Образовательный портал)

Әлеге сайт БДИга да әзерли, теоретик материалны да аңлата. Монда видеодәресләр, конспектлар, тестлар һәм башка төр кирәкле материаллар бар. Сайт ярдәмендә фәннәрне өй шартларында да яхшы үзләштерергә мөмкин.

Экзамен.ru

Имтиханнар хакында яңалыклар белән таныштыра торган һәм аларга бәйле күп кенә материалларга бай чыганак. Монда БДИ, ТДИ биремнәрен генә түгел, мәктәп темаларына караганнарын да онлайн рәвештә чишү мөмкинлеге бар.

Спадиоло.ru

Һәрбер имтиханга әзерлек сайты кебек үк, монда да төрле фәннәрдән КҮМ күп. Тестларның төрле вариантлары булу өстенә теоретик материаллар да шактый.

Экзамер

Белем бирү уен формасында. Бу исә әзерлекнең беренче этабында кызыксындырып җибәрү өчен аеруча мөһим.  Әгәр репетиторларның эш графигы һәм кайбер башка сайтлар ошамый икән, биредә һәркем үз шәхси графигын төзи ала.

Әлфинур Әхмәтшина

Казан

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2729
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    1106
    0
    3
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    929
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019