ИЛСӨЯ БӘДРЕТДИНОВА: ДЕПРЕССИЯГӘ БИРЕЛҮЧЕЛӘР – ЭШСЕЗ КЕШЕЛӘР!

Кәеф төшү, күңел төшенкелеге, моңсулык... Көзге депрессиягә ничек бирешмәскә, дигән сорауга җавап эзләүне дәвам итәбез, дуслар. Бүген  татар эстрадасының иң танылган җырчыларының берсе – ИЛСӨЯ БӘДРЕТДИНОВАНЫ тыңлыйбыз!

– Көзге депрессия, күңел төшенкелеге... Хәзер әллә ниләр уйлап табалар, шаккатам. Без кечкенә вакытта, авыр заманнарда ул депрессиядән ничек чыкканнардыр инде... Шәхсән минем депрессиягә бирелеп утырырга вакытым юк. Урамда җәйме, көзме, кышмы – бер аерма да күрмим, ел фасылларының алышынганын да сизми калам, хәтта. Гомумән, һава торышына бәйле депрессиягә бирелүчеләр – эшсез, буш вакыты артык күп кешеләрдер ул. Бары тик алар гына тәрәзәгә карап: “уф, тагын яңгыр ява инде, кәефем бетте инде, нишлим инде хәзер...” - дип борчылырга сәләтледер...

Илсөя Бәдретдинова фикеренчә, күңел төшенкелегенә бирешмәүнең иң шәп ысулы, инде аңлавыгызча, һәрвакыт нәрсә дә булса эшләү, ни белән дә булса шөгыльләнү. Шулай булганда, башны юк-бар уйлар белән “тутырырга” вакыт калмаячак.

– Шулай да, моңсуланган чаклар булмый калмый, билгеле. Андый вакытларда мин: “уң күземнең сул яктан өченче керфеге сызлый” - дим дә, бөтен дөньяга үпкәләп, менәм дә ятам. 15 минутка күзләремне йомам да уй-фикерләремне рәткә китерәм, әгәр дә инде бу ниндидер хәлләр белән бәйле икән, анализ ясыйм, алга таба планнар билгелим. Кайчакларда ниндидер ситуацияләрдән чыгу юлы юк сыман тоела. Андый вакытта мин бу хәлләрне, русчалатып әйткәндә, “отпускаю”. Бу - әнием киңәше һәм ул миңа һәрвакытта да ярдәм итә. Тырышып-тырышып та тупикка барып тоташасың икән, җибәр! Уйлама да, борчылма да! Проблема үзеннән-үзе хәл ителәчәк! - дип киңәш бирә Илсөя Бәдретдинова.

Тормыш эчендә кайнап, аны яратып, кешеләрне яратып, аларга ачу сакламыйча, гайбәт сөйләмичә матур итеп яшәргә кирәк! Шулай иткәндә, моңсуланып утырырга теләгегез дә, вакытыгыз да калмаячак!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    1026
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    904
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    457
    0
    4

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019