ЯШҮСМЕРГӘ НИЧЕК АКЧА ЭШЛӘРГӘ?

Яңа кроссовкалар, текә гаджет турында хыялланасыз яки финанс яктан бәйсез булырга телисезме? Яшүсмер чакта үз акчаңны эшләү шәп кенә түгел, ә файдалы да. Бу хезмәтне бәяләргә, финанслар белән идарә итәргә өйрәнү өчен бик яхшы ысулы. Бу мәкалә яшүсмерләргә акча эшләр өчен иң кулай ысуллар турында булыр.

ТОП-10 ИДЕЯ:

1.Интернетта фриланс:

• Копирайтинг һәм рерайтинг: әгәр сезнең язу сәләте булса, үзегезне сайтларга мәкаләләр язуда яки рерайтингта (текстларны үзгәртеп коруда) сынап карагыз.
• Дизайн: әгәр дә сез график редакторлар белән дус булсагыз, логотиплар, баннерлар, социаль челтәрләр ясау хезмәтләрен тәкъдим итегез.
• Социаль челтәрләр админы: социаль челтәрләрдә кеше яки компанияләрнең аккаунтларын алып барырга булышыгыз: постлар язу, комментарийларга җавап бирү, контент кертү.
• Тәрҗемә: әгәр сез чит тел белсәгез, текстларны тәрҗемә итеп акча эшли аласыз
• Сайтлар төзү: әгәр сез HTML һәм CSS нигезләрен белсәгез, гади сайт, визит карточкалары булдыруда үз көчегезне сынап карагыз.

2.Курьер хезмәте

Күп кенә ашамлыклар һәм товар китерү сервислары (мәсәлән, Delivery Club, Яндекс.Еда) курьерларны 16 яшьтән эшкә алалар. Бу шәһәр буйлап хәрәкәт итеп һәм яңа урыннарны өйрәнеп, акча эшләүнең бик яхшы ысулы.

3.Промоутер

Листовкалар бирү, реклама акцияләрендә катнашу – махсус күнекмәләр таләп итми торган эш, һәм аны еш кына яшүсмерләргә тәкъдим итәләр.

4.Хуҗалыкта ярдәм (күршеләр һәм танышларга)

Этләр йөртеп керү, йорт хайваннарын карау, җыештыруда ярдәм итү, бакча эшләре – һәрвакыт булачаклар.

5.Репетитор

Әгәр сез ниндидер предметны яхшы белсәгез, үзегезне кече мәктәп укучылары өчен репетитор ролендә сынап карагыз.

6.Бәйрәмнәр оештыру:

Әгәр дә сез иҗади кеше икән, балалар бәйрәмнәрен, туган көннәрен, тематик кичәләрне оештыра аласыз.

7.Няня (бала караучы)

Балаларны яратсагыз, таныш-белешләр яки күршеләргә няня хезмәтен тәкъдим итегез. Бер белмәгән кешеләр яшүсмергә бала ышанып тапшырмас кебек.

8.Кул эшләре

Әгәр сез бәйли, тегә, бизәнү әйберләрен үз кулыгыз белән ясый белсәгез, онлайн яисә ярминкәләрдә сата аласыз.

9.Автомойка (машина юу)

Автомойкаларда еш кына ярдәмчеләр таләп ителә, бу эш махсус квалификация таләп итми. Һәм анда балаларны да алалар.

10.Официант, кассир, җыештыручы

Әти-әни рөхсәте белән 16 яше тулганнар рәсми рәвештә хезмәт күрсәтү өлкәсендә эшли ала.

ЭШНЕ КАЙДАН ЭЗЛӘРГӘ?

• Танышларыгыздан һәм дусларыгыздан сорагыз: «сарафан радиосы» еш кына теләсә нинди игъланнарга караганда яхшырак эшли.
• Фрилансерлар өчен интернет-платформалар: FL.ru, Freelance.ru, Kwork.
• Эш эзләү буенча сайтлар: Avito, HeadHunter, Superjob, Rabota.ru.
• Социаль челтәрләрдә төркемнәр: күп кенә компанияләр социаль челтәрләрдә үз төркемнәрендә вакансияләр бастыра.
• Халыкны эш белән тәэмин итү үзәкләре: кайбер шәһәрләрдә мәшгульлек үзәкләре бар, алар яшүсмерләргә эш табарга ярдәм итә.
• Инициатива күрсәтегез: үзегезгә кызыклы булган компанияләргә һәм оешмаларга үз хезмәтләрен тәкъдим итүдән курыкмагыз.

сурәт: «freepic.com»