ИҢ ТӘМЛЕ КАҺВӘ ЯСАРГА ӨЙРӘНӘБЕЗ!

Аны әзерли башлаганчы, “алтын”, асылда бик гади кагыйдәләрне искә төшереп үтү урынлы булыр. Кофе әзерләнә торган каһвә чәйнегенә (турка булырга мөмкин) яхшылап юылган һәм юшкыннан чистартылган булырга тиеш.

Төрекчә каһвә


☕? Бер чынаяк эчемлек чыксын өчен 1 чәй кашыгы каһвә салалар, шикәрне тәменчә саласы.

Аны төрле ысуллар белән әзерлиләр:

1.     Каһвә чәйнегенә кайнап торган суга каһвә һәм шикәр салалар, кайнатып чыгаралар. Аны уттан алалар, яңадан утка куялар. 3 тапкыр кабатларга кирәк була.

2.     Каһвә чәйнегенә шикәр кушылган каһвә өстенә салкын су салып берничә минут тоталар. Аннан турканы салмак утка куялар. Каһвә кайнап чыгу хәленә җиткәч, анда көбек барлыкка килә. Кайнап чыгар алдыннан аны уттан алалар һәм яңадан кайнатып чыгаралар. Көбеге азрак булсын өчен аңа тиз генә салкын су бөркиләр (тамчылап-тамчылап).

Әзер каһвәне болай китерәләр: махсус савытка турканы, кечкенә чынаякларны һәм су салынган стаканны куялар.

[caption id="attachment_33259" align="alignright" width="500"] Фото: pixabay.com[/caption]

Гарәпчә каһвә


☕? 4 чынаяк өчен 6 чәй кашыгы каһвә, 3 чәй кашыгы шикәр кирәк була.

Каһвә һәм шикәрне кайнар суга салып утка куялар. Кайнап чыгар алдыннан уттан алалар һәм берничә секундтан соң яңадан куеп, кайнатып чыгаралар. Бу  3 тапкыр кабатлана. Әзер эчемлеккә  салкын су бөркиләр (2-3 тамчы). Аннары чынаякларга бүләләр. Каһвә белән биргә салкын су да бирәләр.

Африкача каһвә


☕? 4 чынаяк каһвәгә 4 чынаяк кайнар су, алты кашык каһвә, ярты кашык какао-порошок, бер чеметем төелгән дарчин (корица), тәменчә шикәр салалар.

Барлык продуктларны каһвә чәйнегенә салып, утта пешерәләр. Табынга кайнар килеш бирәләр.

Тәмле булсын. ☕?


Зилә САБИТОВА әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    754
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    698
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    514
    0
    0

Блоглар