ИҢ ШӘП ФОТОЛАР – СИНДӘ!

Инстаграм челтәрендә үз аккаунтын алып баручы һәркемгә билгеле: фотога төшәр өчен кызыклы урыннар табу – үзе бер сынау. Шуңа күрә, без сезгә бу эшне җиңеләйтү максатыннан, Казаныбыздагы берничә кызыклы урын һәм «инста-трендлар» буенча актуаль мәгълүмат тупладык.

Беренче кагыйдә: 2020 ел инстаграмы табигыйлекны ярата. Әгәр дә син артык бизәнергә яратмыйсың икән, бик шәп. Димәк, портретлар мөмкин кадәр табигый булачак.

Кайда: Щапова урамында урнашкан 11нче йорт ишегалды

Икенче кагыйдә: фотолар гадәти тормышны чагылдырырга тиеш. Кибеттә, урамнан барганда, каһвә эчкәндә... Синең көндәлек тормышыңны тәшкил итә торган нинди дә булса бер мизгелне тотып алу мөһим.

Кайда: Метро

Өченче кагыйдә: инстаграм трендлар ярата. Велосипед, скейтборд, электросамокат йөрү өчен генә түгел, алар белән фотога төшү дә менә дигән!

Кайда: Граффити – Декабристлар урамы, 2 йорт, 3 корпус

Дүртенче кагыйдә: underground – яисә урам стилен якын күрә. Рэп, гранж, кантри бүген кабат популяр, димәк, аларның атрибутлары булган киң джинсы һәм рубашкалар, түштамга һәм төрле төстәге күзлекләр дә актуаль.

Кайда: Граффити – Болакның Кремльгә якын башы, баскычтан аска таба төшкәч.

Ә инде болар сиңа чит икән, кэжуал ситлендәге киемнәр сайла да кәттә урынга барып фото яса.

Кайда: Миллениум күпере асты

Бишенче кагыйдә: инстаграм «тере» фотолар ярата. Кояш нурлары, яңгыр, җил, хәрәркәт, хис-кичерешләр чагылышы – барысы да сиңа лайклар җыярга ярдәм итәр.

Кайда: Кабан күле буе