ИҢ ПЫЧРАК 5 ӘЙБЕР!

Бу исемлектә без иң пычрак урын дип санаган унитаз юк, аның каравы бер дә көтмәгән нәрсәләр бар...

1. Клавиатура

Клавиатураның бер квадрат сантиметр өлешендә 500 000 артык бактерия булганын белә идегезме? Кешеләр компьютер алдына утырыр алдыннан кулларын юарга кирәк дип санамый. Бу хәл шуның аркасында килеп чыга да инде. Без урамнан алып кергән бар пычрак клавиатурада кала. Әле моңа тузан һәм ризык кыйпылчыкларын да өстәсәң... Нәтиҗәдә, микробларга үрчеп ятар өчен менә дигән җирлек хасил була.

Нишләргә?

Беренчедән, урамнан кергәч кулларны юабыз. Икенчедән, атнага бер тапкыр булса да тузаннарны сөртәбез. Клавиатура эченә җыелган чүпне аны кире ягы белән әйләндереп каккалап төшерәбез. Моны  фен яки тузан суырткыч белән дә эшләргә мөмкин.

2. Кәрәзле телефон

Көн дәвамында телефоныбыз кайларда гына булмый: кесәдә дә, өстәлдә дә, кибеттә дә, автобуста да... Бу урыннарда нинди генә пычрак һәм микроб юк.

Нишләргә?

Атнага бер тапкыр телефоныгызны яхшылап сөртегез, чистартыгыз. Сумкагызда аның өчен махсус урын булдырыгыз һәм шунда гына салыгыз.

3. Теш щеткасы

Ышансагыз ышаныгыз, ышанмасагыз, юк. Тик теш щеткасында 10 миллионнан артык бактерия яши. Әле алар организмыбыз өчен куркыныч та...

Нишләргә?

Өч айга бер мәртәбә булса да аларны алыштырырга тырышыгыз. Вертикаль рәвештә саклагыз. Бактерияләрен киметер өчен билгеле бер вакытка авыз чайкый торган сыеклык эченә салып куйсагыз яхшы. Шулай ук берничә минутка кайнар суга тыгып тотсагыз да ярый.

4. Ачкычлар

Лифт чакыра торган кнопкада күпме бактерия булса, ачкычта да шуның кадәр үк. Без бит аны беркайчан да чистартмыйбыз. Һәрчак пычрак куллар белән тотабыз. Әле кайберәүләр аны балаларына тоттыра...

Нишләргә?

Өйгә кайткач, кулларыгызны юыгыз, аннан ачкычны антисептик салфеткалар белән сөртегез.

5. Акча

Кәгазь акчаның бер квадрат метрында  30 000 тирәсе бактерия бар. Искерәк булган саен, аларның саны арта. Бактерияләрнең нинди генә төре юк анда: гельминтлар, Кох таякчыклары, туберкулёз, менингит китереп чыгара торганнары...

Нишләргә?

Акча тотканнан соң кулларыгызны юарга яки дезинфекция чарасы белән сөртергә күнегегез. Акчаларны кесәдә түгел, ә  акча янчыгында саклагыз. Соңгысын да вакыты-вакыты белән сөрткәләп торсагыз яхшы.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1363
    0
    11
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1171
    1
    6
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    756
    0
    10

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019