ГРАНДИОЗ ПЛАННАРНЫ НИЧЕК ТОРМЫШКА АШЫРЫРГА?

Планнарың бары тик план гына булып калмасын, дисәң, безнең язманы укы һәм бар теләкләреңне тормышка ашыр!

1. Кечкенә-кечкенә адымнардан башла. Үзеңне бер көндә үзгәртергә тырышма. Җиңүләрең артык зур булмаса да, еш булсын.

2. “Кызыктыргыч”ларны күз уңыннан яшер. Суыткычта ризык мөмкин кадәр аз һәм файдалы булсын. Мөһим эшләр башкарганда телефоныңны читкә алып куй. Комачауламасын. Билгеле бер эшне башкарып чыккач, аны янәдән кулыңа алырсың.

3. Күз алдында стимуляторлар мөмкин кадәр күбрәк булсын. Мисал өчен, сине илһамландыра, яңа максатларга этәрә торган предметлар, плакатлар, язулар булдыр.

4. Бүгенге эшне иртәгәгә калдырма. Әгәр иртән торгач, зарядка ясау өчен музыка куярга компьютерга кереп китсәң, озак уйлап торма. Музыканы куй да, чык. Алайса зарядка ясау урынына Интернетта 40 минутка кереп чумарга да була.

5. Үзеңне һәм эшләреңне тәртипкә китер. Иртәнрәк уяну өчен сиңа нишләргә кирәк? Берәр сәбәп уйлап тап.

Уңышлар сиңа!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
КЫЯР БЕЛӘН ПОМИДОР ТУРЫНДА ХИКӘЯТ
577
0
0
Иҗат
«УНБЕРЕНЧЕ ӘХМӘТ» ӘКИЯТЕ
1448
0
1
Иҗат
ДИЮ КЫЗЫ, БАЙ МАЛАЕ ҺӘМ МУЛЛА
1482
0
0