ГРАМОТАЛЫЛЫКНЫ АРТТЫРУ ӨЧЕН 5 КИҢӘШ

Грамоталы булуның ничек мөһим булуын, ни өчен кирәклеген сөйләп акыл сатып тормыйбыз. Сез аны болай да беләсез. Бүген без грамоталы булырга ярдәм итә торган 5 киңәш белән бүлешәбез.

Беренче киңәш – китап уку

Китап уку иң отышлы һәм иң нәтиҗәле ысул булып тора. Әмма күп кеше китап укудан баш тартып, мәгълүматны радио тыңлап, телевизор карап ала. Анысы да начар түгел үзе, тик алар грамоталылыкны арттырмый шул. Ә менә уку дөрес язарга да, сүзлек байлыгын арттырырга да бик яхшы ярдәм итәчәк. Ни өчен болай була соң?

Китапларда бик күп сүзләр урын ала. Шуңа күрә укыганда без берьюлы әллә ничә файда алабыз: беренчедән, сүзлек байлыгы арта, икенчедән, матур итеп җөмлә төзергә, сөйләшергә өйрәнәбез, икенчедән, сүзләрнең дөрес язылышы хәтергә сеңеп бара. Әле китап укуның тагын бер яхшы ягы бар: төрле өлкәдә белемнәребез арта.

Икенче киңәш – язу

Хатасыз язарга өйрәнәсегез килсә, күбрәк язарга кирәк. М – мантыйк. Әлеге эшкә көненә 30 минут вакытыгызны сарыф итсәгез, хаталарыгызның азайганнан-азайганын үзегез дә сизәрсез. Пунктуацион (тыныш бигеләре) хаталарыгыз да кимер. Тик бер шарт бар: язганнарыгызны әледән-әле тикшереп, төзәтеп барыгыз. Нәрсә язарга? Нәрсә язсагыз да була. Узып киткән көнегез турында, яраткан фильмыгызның эчтәлеген һ.б. Көндәлек алып бару да файдалы.

Өченче киңәш – шикләнгән әйберне тикшерәбез

Берәр нәрсә язганда яки әйткәндә без еш кына: “Тукта, дөрес яздыммы (дөрес әйттемме) соң әле мин моны?” – дип уйлап куябыз. Әгәр шундый шикләрегез туса, мөмкинлек туу белән, Интернетка кереп дөрес җавапны карап чыгыгыз. Моңа вакытны кызганмагыз. Шулай ук сзлекне ачып карап тикшерергә дә була. Әлеге ысул дөрес язылыш һәм әйтелешне яхшы истә калдырырга ярдәм итә. Ни өченме? Нәрсәдә дә булса шикләнгәндә без микростресс тоябыз. Ә нинди дә булса эмоциягә китергән нәрсәләр хәтердә яхшырак истә кала. Шул сәбәпле, шикләрне бетереп, без ул мәгълүматны хәтеребезгә сеңдерәчәкбез.

Дүртенче киңәш – онлайн-серислар кулланабыз

Интернеткка керү мөмкинлеге хәзер һәркемдә диярлек бар. Шуңа күрә аны рәхәтләнеп кулланырга кирәк. Хатасыз язарга өйрәтә, хаталарны тикшереп бара, билгеләр куя торган онлайн-сервислар анда тулып ята.

Бишенчы киңәш – кагыйдәләрне өйрәнәбез

Кагыйдәләрне өйрәнеп утырырга күпләр яратмый. Әмма алардан башка гына да булмый. Көнгә бер кагыйдә өйрәнсәгез, шул җитә. Мисал өчен, бүген бер кагыйдә өйрәнәбез. Аннан аны практикада кулланып карыйбыз. Икенче көнне кагыйдәне искә төшереп, тагын шул темага кагылышлы сүзләрне язып карыйбыз. Өченче көнне бу эшне кагыйдәгә карамыйча гына эшлибез.

Уңышлар сезгә! Әлеге ысулларның көнгә берсен генә кулланып карау да грамоталылыкны үстерү өчен нык ярдәм итә! Ышанмасагыз, үзегездә сынап карагыз!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2517
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1990
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    654
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019