«ГЕОРГИЕВ ТАСМАСЫ» АКЦИЯСЕНДӘ БЫЕЛ НИЧЕК КАТНАШЫРГА?

“Георгиев тасмасы” акциясе старт алды. Ул Россиядә 2005 елдан бирле уздырыла. Быелгы акция, коронавирус пандемиясе сәбәпле, онлайн-форматта үтәчәк.  Анда ничек итеп катнашырга?

Министр да кушылды

Татарстан Республикасының яшьләр эшләре буенча министры Дамир Фәттахов акциягә инде кушылып та өлгерде.

– Георгиев тасмасы – безнең барыбызны да берләштерә торган символ. Ул җиңүнең җиңел бирелмәвен искә төшереп тора. Ни кызганыч, быел без ветераннарыбызны кочаклап, аларны котлый, күзләренә карап, тыныч тормыш өчен рәхмәт әйтә алмаячакбыз. Шуңа күрә быел әлеге акциянең аерым бер мәгънәгә ия булачагына шигем юк, - ди ул.

Акциядә ничек катнашырга?

Акциядә теләгән һәркем катнаша ала. Моның өчен тасманы тагарга һәм фотога төшеп, аны социаль челтәрләрдәге аккаунтларга урнаштырырга кирәк. #георгиевскаяленточка #георгиевтасмасы #лучшедома #өйдәяхшырак хештэгларын билгеләргә дә онытмагыз. Шулай ук онлайн-эстафетаны 5 якын дустыгызга да тапшыра аласыз.

Тасма булмаса, нишләргә?

Әгәр өйдә тасма булмаса, Instagramдагы махсус масканы кулланырга мөмкин. Аны “Җиңү волонтёрлары” («Волонтеры Победы») хәрәкәте аккаунтында табарга була.Георгиев тасмасын аптека, кибетләрдә, ягулык салу станцияләрендә дә таратачаклар. Өлкән яшьтәге кешеләргә, ветераннарга дару һәм азык-төлек белән бергә өйләренә китереп бирәчәкләр.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
КЫЯР БЕЛӘН ПОМИДОР ТУРЫНДА ХИКӘЯТ
532
0
0
Иҗат
«УНБЕРЕНЧЕ ӘХМӘТ» ӘКИЯТЕ
1406
0
1
Иҗат
ДИЮ КЫЗЫ, БАЙ МАЛАЕ ҺӘМ МУЛЛА
1450
0
0