ЭССЕ КӨННЕ НИШЛӘРГӘ? /лайфхаклар/

Эссе көннәр килде. Хәл китә, гел эчәсе килә... Танышмы? Әйдә, бүген кызу көннәрне җиңел һәм рәхәт  итеп уздыру серләре турында сөйләшәбез ;-)

Иң беренче, бар кеше дә белгән нәрсәдән башлыйк: башым авыртмасын, хәлем китмәсен, дисәң, башка киеп йөрү зарур. Күләгәле урыннарда йөрергә/утырырга тырышырга да онытмыйбыз. Салкын душ керү яки өскә бер чиләк салкын су сибү – эсселек белән көрәшүнең иң яхшы ысулы.

Тагын бер шәп лайфхак: ак шарфны юешләп муенга урыйбыз. Ул кипкәч, яңадан юешләтәбез. Бу алымның эффектын бик тиз тоячаксың!

Туклану

Еш кына эссе көннәрдә бөтенләй ашыйсы килми. Шуңа күрә җәен җиңел ризыклар белән тукланырга тырыш. Майлы, тозлы, кызган ризыкларның күләмен чиклә. Кыяр, карбыз, кавын, грейпфрут кебек хәл кертә һәм сусауны баса торган азыкларга өстенлек бир. Күбрәк яшелчә һәм җиләк-җимеш аша. Вакытлыча иттән баш торып тору да яхшы булыр. Ә менә физик эш белән шөгыльләнсәң, итне кысарга кирәкми.

Эчемлекләр

Без еш кына эссе көннәрдә салкын газлы эчемлекләр эчәбез. Бу дөрес түгел. Беренчедән, ангина барлыкка килү ихтималы арта, икенчедән, газлы су сусауны арттыра гына. Иң яхшысы – бүлмә температурасындагы гадәти су эчү, аңа лимон өстәргә мөмкин.

Кием

Җәен кием җиңел һәм табигый тукымадан булса яхшы. Киемнең ачык төстә булса әйбәт. Аяк киеме җиңел, ачык булсын. Кроссовкиларны бер читкә алып куеп торабыз. Кояш күзлекләре турында да онытмыйбыз.

Косметика

Эссе көннәрдә косметиканы азрак кулланган саен яхшырак. Кояшта күп йөрергә туры килсә, махсус крем сөртергә тырыш.

Организмны ничек суытырга?

  • дымлы салфетка белән колак артык сөртеп алырга;

  • йөзгә термаль су сиптерергә;

  • чигәләргә (висок) ментол мае сөртергә мөмкин.


Зилә САБИТОВА әзерләде

Нравится
Комментарии (0)
Осталось символов:
Шәп укыла
  • 3 гыйнвар 2020 - 13:07
    ҮГИ ӘНИ Чит авылга килен булып төшкәч, ут күршем дә, киңәшчем, таянычым да Әминә апа булды. Җор күңелле, шатланып, җырлап кына йөри торган апа иде ул. Өч улының өзелеп яраткан әнисе, Ядъкәр абыйның тугрылыклы хатыны иде.
    4611
    2
    66
  • 7 гыйнвар 2020 - 22:36
    ӨЧ ТУГАН − Кызым, йонны алай тарткалама, сузгалама, ярыймы? Менә болай көйләп кенә, аермый гына яз.  Алай өзгәләп бетергәч, ничек  аны җепкә оештырырга, ничек  эрләргә була? Оекбашсыз каласың бит! Нәни куллары белән йон язып утырган Лилия, әнисе күрсәткәнчә эшләргә тырышса да, онытылып китеп уйный башлый.
    4251
    3
    60
  • 13 гыйнвар 2020 - 17:12
    ГОМЕРЛЕ КОЕ “Авылыбызның бер чишмәсе миңа аеруча якын, – дип сөйләп китте, ике ел элек кенә бакча күршебез булып киткән Наилә апа. Дөресрәге, авылдан бераз читтәрәк ул, урман юлы буенда. Ата-бабаларның чишмәне “Гомерле кое” дип атаулары юктан гына булмагандыр – авылыбызның озын гомерле кешеләре байтак. Гадәттә коены – кое диләр, чишмәне – чишмә. Нишләп “Гомерле чишмә” түгел?
    4061
    2
    45

Блоглар
  • 28 ноябрь 2019 - 16:46
    СИН КАҺВӘНЕ ДӨРЕС ЭЧӘСЕҢМЕ?
    Юк, дустым, мин сине ничек дөрес итеп чокыр тотарга, матур итеп эчәргә өйрәтмим, анысын син миннән башка да яхшы беләсеңдер. Сүз бераз башка әйбер хакында.
    Гүзәл Закирова
    449
    0
    0
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019