ЭШЧЕ ПРОФЕССИЯЛӘР ТУРЫНДА 5 СТЕРЕОТИП

Без профессияләрне егет һәм кызларныкына, абруйлы һәм абруйсызга, хөрмәткә ия һәм андый булмаганга бүләргә яратабыз. Шуңа бәйле төстә, еш кына көллиятләргә түбәнсетеп карау бар. Менә шундый искергән стереотиплар аркасында еш кына пешерүчеләр, автомеханиклар, агач осталары җитми дә инде. Бүген без эшче професияләр турында 5 стереотипны җимерәбез.

1. Бу абруйлы түгел

“Job shaming” (“джоб-шейминг”) – кеше үз эшеннән оялуны шундый термин белән атыйлар. Кызганыч, безгә әти-әниләрдән еш кына “Начар укысаң – ишегалды себерүчесе /җыештыручы /сатучы буласың” кебек сүзләр ишетергә туры килә. Бу фразалар еш кына автомат рәвештә әйтелә. Балаларга шушы профессия кешеләренең эше нигә начарлыгын аңлатмыйлар.

Тик хәзер барысы да элеккегечә түгел. Чөнки эшче хезмәткәрләрнең хезмәт хаклары арта, ә урта һөнәри белемгә ихтыяҗ үсә.

2. Түбән хезмәт хакы

Роструд мәгълүматлары буенча, прораб һәм йөк машинасын йөртүчеләр – 80 мең сумнан, ә тау техникасы механигы 130 мең сумнан башлап хезмәт хакы ала ала. Башка профессияләрдәге кебек, хезмәтне бәяләү профессиональлек һәм ихтыяҗга бәйле. Эшче профессияләр арасында көндәшлек тә түбән: бер вакансиягә ике белгеч туры килә.

Димәк, профессиональ токарь, массажист һәм чәчтараш, юрист һәм икътисадчыга караганда  күпкә ихтыяҗлырак булачак. Хезмәт хакын да артыграк алачак дигән сүз.

3. Эшчеләрнең карьера үсеше юк

Карьераны теләсә кайсы тармакта төзеп була. Эшеңне ярату, аның белән мавыгу, профессиональлек һәм үсәргә теләү җитәкче урынын алу яки үз бизнесыңны ачарга мөмкинлек бирә. Прораб – төзелеш компаниясенең хуҗасы, чәчтараш – башкаланың иң шәп барбершобы, пешерүче ресторатор яки сәламәт туклану популяризаторы була ала. Моннан тыш, эшче профессияләр кешегә башка шәһәрләргә күчеп китү мөмкинлеген дә бирә. Бу профессиягә булган ихтыяҗ – төбәктән, хезмәт хакы дәрәҗәсе профессиональлектән дә тора.

4. Алар болай да күп

Илдә эшчеләр болай да күп сыман. Тик күптән түгел “HeadHunter” ширкәте компанияләргә квалификацияле белгечләр җитмәү турында беодерде. Токарь, слесарь, техниклар – ихтыяҗ аеруча зур булган профессияләр.

“Работа в России” порталы мәгълүматларына караганда, бүген машина йөртүче, тегүче, пешерүче, бетончы, монтажчы, электромонтер һәм башка шундый белгечләргә дә ихтыяҗ зур. Бу профессияләрне сез башка илләрдә, мисал өчен, Канадада таләп ителгән һөнәрләр исемлегендә дә күрә аласыз.

Әлеге белгечләрдән хәзер яңа ысуллар һәм белемнәр таләп ителүе – икенче мәсьәлә. Мисал өчен, IT сферасында программалаштыру һәм ориентлашу күнекмәләренә ия булу. Алар хезмәт сыйфаты, хезмәт хакы дәрәҗәсенә, һәм, гомумән, эшкә урнашканда әңгәмәгә тәэсир итә. Нәкъ менә алардан сезнең эш табу-тапмау мәсьәләсе тора.

5. Тиздән аларны роботлар алмаштырачак

Кайвакыт, яңа технологияләр килү белән, эшче профессияләр үләчәк, дип сөйлиләр. Чөнки кешеләр өчен бар эшне роботлар эшләячәк, имеш. Тик бу алай түгел. Роботлар “кул” хезмәтен башкарса да, аларны контрольдә тотарга операторлар кирәк булачак. Механиклар өчен хәзер мехатрониклар – электроника һәм программалаштыруны белә торган белгечләр дә кирәк булачак. Ягъни, эштә иң мөһиме – үсү һәм яңа әйберне өйрәнү теләге зур булу.

Forbes хезмәт базарын һәм профессияләргә ихтыяҗны анализлап, киләчәктә хезмәт базарында шәфкать туташлары, өлкәннәрне озатып йөрүдә хезмәт күрсәтүче, кафе һәм ресторан хезмәткәрләре, йөк машиналары йөртүчеләре, олылар өчен өстәмә белем бирү хезмәткәрләрен шәп киләчәк көтә, дип белдерә. Мондый булу өчен һәрвакыт вузда белем алу кирәкми, иң мөһиме – үз өлкәңдә профессионал булу.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2480
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2316
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1963
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019