ӘДӘБИЯТ УКУЧЫЛАР/ӨЙРӘНҮЧЕЛӘР ӨЧЕН КИҢӘШЛӘР

Без сезгә бүген әдәбият белгече булырга ярдәм итә торган шәп киңәшләр тәкъдим итәбез!

1.Әсәр генә укудан тыш, тәнкыйди язмалар, аналитик мәкаләләр дә укырга тырышыгыз. Әдәбият белегече никадәр күп укуы белән генә түгел, ни дәрәҗәдә сыйфатлы әйбер укуы белән дә аерыла.

2. Яраткан текстларыгызга кат-кат әйләнеп кайтыгыз. Бу бит шундый рәхәт!

3. Спектакльләргә йөрегез, яхшы кинолар карагыз.

4. Классик әсәрләрне генү түгел, заманча поэзия, прозаны да анализлагыз.

5. Хәтта мәктәп программасында мең кат анализланган әсәрләрне укып та яңа кызыклы ачышлар ясап була. Шуңа күрә стандарт булмаган ракурсларны сайлап анализлагыз.

6. Төнлә уку белән мавыкмагыз. Күзгә зыян килүдән тыш, шактый күп кызыклы детальләрне күрми калырга мөмкин.

7. Укыганнарны дусларыгыз белән анализлагыз. Үз фикереңне җиткерә белү күнекмәләре яхшырачак. Әсәрне яхшырак аңлый башлаячаксыз.

8.Анализлаганда текстны түгел, ә үзегезнең кичерешләрегезне түгел, ә текстны анализлауга басым ясагыз.