«DÄRMAN» СТУДИЯСЕ: БИЕРГӘ ӨЙРӘНӘБЕЗМЕ?

Бәйрәм-туйларда татар бию көйләре агыла башлауга кемнәрдер борчылып куя. «Эх, рәхәтләнеп биер идем, бии белмим шул», – дип уфтана алар. Нәкъ менә шундый кешеләр өчен Казанда «DÄRMAN» бию студиясе ачыла. Аның төп максаты –  республикабыз халкы һәм яшьләре арасында татар биюен һәм татар халык уеннарын яңарту һәм популярлаштыру. Әлеге студияне «Калеб» проекты кысаларында Бөтенроссия  һәм халыкара конкурслар лауреаты, педагог, хореограф, Татарстан Дәүләт җыр һәм бию ансамбле артисты Алсу Мәгъсүмҗанова җитәкләячәк. Бию студиясенә 16 яшьтән өлкәнрәкләрне чакырып калалар. Дәресләр сишәмбе һәм пәнҗешәмбе көннәрендә 19:00 сәгатьтә башланачак. Алар Г.Кариев театрының кече залында узачак. Беренче дәрестә катнашу түләүсез. Әгәр синең татар биюенең нигезенә өйрәнәсең, ир-ат һәм хатын-кызлар биюенең лексикасы һәм төп хәрәкәтләре белән танышасың, профессиональ хореографлардан остаханәләр аласың килә икән, студиягә рәхим ит!

«DÄRMAN» бию студиясе сине көтә!

Дәресләргә +79375296497 телефон номеры аша язылырга мөмкин.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    720
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    624
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    471
    0
    0

Блоглар