«COMBOnation Х2»: КАЗАНДА ДӨНЬЯВИ РЕКОРД КУЯРГА НИЯТЛИЛӘР

Казан 3 көнгә брейк-данс башкаласына әвереләчәк. Кәттә чара көтелә! Тулырак безнең язмада.

28-30 август көннәрендә Казанда «COMBOnation Х2» дип исемләнгән брейк-данс һәм граффити буенча халыкара турнир финалы узачак.

COMBOnation – Татарстан яшьләре өчен көтелгән чара. Ул брейк-дансны һәм урам сәнгатен берләштергә турнир булып тора. Быел әлеге зур чара инде 12нче тапкыр узачак.

Брейкинг буенча турнирлардан тыш, катнашучыларны һәм тамашачыларны граффити-баттллар, бию буенча остаханәләр һәм профессиональ артистлар белән аралашулар көтә. Чараның иң көтелгән мизгеле - «COMBOnight» элктрон музыка фестивале.

- Бөтен Россиядән 800дән артык биюче килүе көтелә. Башка ил кешеләре өчен махсус онлайн-баттл да оештырылачак, - ди фестиваль кураторы Александр Даренков.

Рекорд куярга ниятлиләр

Әле рекордның да ниндиен! Фестиваль көннәрендә берьюлы 100 кеше башында әйләнәчәк. «Headspin» дип исемләнгән әлеге трюк брейкингның танылган элементы булып тора. Узган ел исә «Казан» гаилә үзәге түбәсендә 65 биюче бер кулда сикереп торган иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2662
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    850
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    722
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019