ЧЫН ИР-АТЛАРНЫ НИЧЕК ТӘРБИЯЛИЛӘР?

Чын егет нишли белергә тиеш? Туп тибәргә? Турникта күтәрелергә? Шахмат уйнарга? Бәлки, барысы да бергәдер? "Батырлык көне"ндә шуңа өстәп артист булырга өйрәттеләр! Катнашучылар уңышлары, көн программасы һәм кызыклы мизгелләре - 9 кыска фактта.

#1 Очрашу урынын үзгәртеп булмый. Катнашучылар 22 нче сентябрь көнне сәгать 10га Казанның Урицкий исемендәге паркына килде.

#2 Чын ир-ат кайчан уңышка ирешә? – дип  башлады чараның алып баручысы Тимур Перцев. Нәтиҗәгә килдек: командада эшли алган кеше җиңүче була. Шулай итеп, яшүсмерләр дүрт төркемгә бүленде: "Анаконда", "Гризли", "Росомаха" һәм "Беркут". Кулларына команда имзасы куйдылар.

#3 Серле РБМ хәрефләре. Алар бөтен җирдә. Ул "Рожденный быть мужчиной" дигәнне аңлата икән. "Батырлык көнен" оештырган төркемнең берсе ул.

#4 Катнашучыларның күпчелеге - әти-әнисе булмаган, тәртипсез, күп балалы гаиләләрдән булган яшүсмерләр. Яшь баһадирлар үзләре генә түгел. Аларга кадет мәктәпләре укучылары, инструкторлар  укытучылар һәм волонтерлар таяныч булды.

#5 Рәсми ачылу. Сүз бизнесмен Алмаз Төхвәтуллинга бирелде. "Десантниклар берлеге, Гадәттән тыш хәлләр министрлыгы, диңгез пехотасы, Халык дружинасы сездә ихтирам уятсын иде. Сезнең яныгызда торган ир-атлар белән илһамланыгыз", – диде ул киләчәк буынга.

#6 Блог төшерергә, противогаз кияргә, ук атарга, Калашников автоматын җыярга. Биремнәр төрле, әмма иң җиңеле - 120 нче мәктәп укучысы Илья Сазонов сүзләре буенча - футбол һәм баскетбол уеннары.

#7 Иң авыр бирем. Ул – актерлык осталыгы. Командаларга җәмгыять өчен әһәмиятле булган театраль тамаша ясарга кирәк иде. Егетләр бу операцияне дә ерып чыкты! "Анаконда"ның "Шырпы – уенчык түгел" күренеше алкышларга күмелде.

#8 "Кем җиңәр инде?" дигән сорау белән борчылып типкән йөрәкләр тынды: "Гризли" җиңде! Алар бүләккә лазертаг отты.

#9 ТР Антитеррористик комиссиясенең башлыгы Илдар Зарипов сүзләре күңелгә уелып калды. "Чын ир-атлар ни өчен кирәк соң? Үз илеңне, үз туганнарыңны саклар өчен. Өченче сентябрьдә Бесланда булган террорны искә төшердек. Әгәр без шул чакта көчле булсак, фаҗига булмас иде. Әгәр без хәзер батыр булсак, андый чаклар бөтенләй булмаячак. Барыгызга да җиңү телим. Иң беренче чиратта – үзегезне".

Резидә ӘЛМИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2692
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    954
    0
    3
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    797
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019