ЧИТ ИЛГӘ ҖЫЕНАБЫЗ

Урамда җәй: кояш, кыздыра, диңгез үзенә дәшә... Ялллардан бары күңелле хатирәләр күңелләрдә уелып калсын өчен бу чорда куркынычсызлык кагыйдәләрен истә тоту һәм авыруларны булдырмау чараларын күрү зарур. 

Бүген без ял итәргә китәргә җыенучылар өчен берничә төпле киңәш тәкъдим итәбез:

1) Чит илгә барырга карар кылсагыз, эпидемиологик авырулар булмаганнарын сайлагыз.

2) Шулай да инфекцион авырулар булган илләргә юл тотарга уйласагыз, вакциянация ясату ягын карагыз.

3) Экзотик ризыклардан булдыра алган кадәр баш тартыгыз. Организмыгызның аларны кабул итмәү ихтималы бар.

4) Киселгән продуктлар алмаска тырышыгыз (мәсәлән, карбыз, кавын).

5) Сәяхәткә чыкканда үзегез белән иң кирәкле дарулар һәм беренче ярдәм күсәтү өчен әйберләр белән аптечка алыгыз. Аптечка артык зур урын алмас, ә менә кайбер бәлаләрдән коткарыр.

6) Ашар алдыннан, берәр нәрсә тотканнан соң, пляждан соң, урамнан кергәннән соң, гомумән, булдыра алган кадәр ешрак кулларыгызны юыгыз. Үзегез белән сыек антисептик, йә булмаса дымлы салфеткалар йөртегез.

7) Сыйфатлы, куркынычсызлыгы гарантияләнгән суны гына эчегез, кунакханәдән сәяхәтләргә чыкканда суны үзегез белән алыгыз.

8) Газлы эчемлекләр эчмәскә тырышыгыз, алар сусауны басмый, ә менә ашказанына тискәре йогынтыны ясый. Сусауны басар өчен иң яхшысы бүлмә температурасындагы су яки яшел чәй булыр.

9) Бөҗәкләр тешләмәсен өчен тыгыз тукымалы, ачык төстәге кием киегез.

10) Баш киемсез кояш астында йөрмәгез. Дөя, сөйрәлүчеләр, кимерүчеләрне булдыра алган кадәр ерактан гына күзәтегез, аларга якын килмәгез.

11) Ялдан кайтканнан соң 21 көн дәвамында сәламәтлегегезне ныклабрак күзәтегез. Үзегезне начар хис итсәгез, гадәти булмаган авырулар тойсагыз, ашыгыч рәвештә табибка барыгыз, аңа кайсы чит илдә булуыгыз һәм анда ничә көн торып, кайчан кайтуыгыз турында да әйтегез.

Ялларыгыз җаныгызга да, тәнегезгә дә сихәтле булсын! Сәламәт булыгыз! 

Зилә Сабитова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    681
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    315
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    303
    0
    0

Блоглар