«ЧЕРЕК КҮЛ» НИЧЕК ЯҢАРТЫЛАЧАК?

Җәй – паркларда йөрү, алар белән хозурлану өчен менә дигән вакыт. Тик бу территорияләр дә үзгәрә, яңарыш көтә. Кичә “Черек күл” паркын төзекләндерүнең өченче этабы башланды. Бу эшләр көзгә кадәр дәвам итәчәк.

Шушы вакыт эчендә паркта өстәмә яктырткычлар пәйда булачак. Тарихи биналар янындагы территорияләрне дә төзекләндерәчәкләр. Аларның берсендә – коворкинг белән җәйге-кышкы спорт җиһазлары прокаты, икенчесендә ресторан булачак.

Тарихи объектларны төзекләндерү буенча да эш алып барылачак. Мисал өчен, Гашыйклар аркасының нигезен яңартачаклар. Паркка керә торган капкаларны да реставрацияләчәкләр. Юл түшәмнәре дә яңартылачак. Парк периметры буенча 1 чакрымлык йөгерү юлы да пәйда булачак.

Яшел зонада агач-куаклар артачак. Мисал өчен, сирин, зелпе, спирея, чубушник, дерен куаклары, өрәңге, шомырт, тал, алмагачлар утыртылачак. Гомумән алганда, парк территориясендә 206 яңа агач, 1875 яңа куак барлыкка киләчәк.

Өченче этаптагы төзекләндерүгә 75 миллион сум акча бүленеп бирелә. Ул республика бюджеты хисабыннан тормышка ашырылачак. Шәһәрлеләрнең куркынычсызлыгын тәэмин итәр өчен, төзелеш техникасы күп булу сәбәпле, паркның кайбер өлешләренә юл ябылачак. Паркны 2020 елның көзендә ачарга планлаштыралар.

Моңа кадәр паркны төзекләндерүнең беренче өлешеннән соң парк уртасында агач түшәмә пәйда булды. Паркның үзәк өлешен агач пергола белән бизәделәр, биредә эскәмияләр, юл түшәмәсе яңартылды.

Төзекләндерүнең икенче этабында, күлнең төбен чистартып, су янына төшү мөмкинлеген булдырдылар. Яр буенда кофейня, китап кибете пәйда булды. Ә кыш көне бу урында тимераяк прокаты эшли.

Фото «Татарстан Республикасы шәһәрләрен үстерү институты» фондыннан алынды.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2455
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2294
    0
    12
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1946
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019