БӘЙГЕ: МУЗЫКАНЫ КОМДА ЯСЫЙ БЕЛӘСЕҢМЕ?

Чаллыда 22-24 февральдә үтәчәк «Могҗиза 2020» Комлы анимация фестивалендә балалар һәм яшүсмерләр катнаша. Балалар димә: кайвакыт алар олылардан матуррак ясый. Музыканы комда ясап буламы, җиңүчеләр нинди бүләкләр ала - барысы да безнең материалда!

Комлы анимация студиясенә нигез салучы һәм укытучы Алинә Хәйруллина бу фестивальне бишенче ел үткәрә һәм аның бар нюансларын белә. Без рәссам апага сораулар бирдек.

– «Могҗиза» фестивале нәрсә белән үзенчәлекле?

Татарстанда гына түгел, Россиядә бердәнбер рәсми ком ясау бәйгесе ул! Шулай ук, ул дәвамлы: бәйгене биш ел рәттән оештырып, үзебезнең «костяк»ны булдырдык. Һәр елны таныш йөзләрнең үсүе шатландыра. Өстәвенә, монда яхшы бүләкләр: дипломнар, иҗат өчен махсус өстәлләр һәм төрле төстәге ком

– Бәйге ничек үтә?

Фестиваль 22 нче февральдән 24сенә кадәр Чаллы шәһәрендә үтәчәк. Өч көн буена бай программа булдырылды: беренче көнне танышабыз һәм өй эшләрен күрсәтәбез, ә икенче көнне «Импровизация» ясыйбыз Соңгы көндә җиңчеләрне билгелибез һәм бүләклибез.

– «Импровизация» бәйгесе турында тәфсилләп сөйләгез әле.

Авыр бәйге, дип саныйм. Ләкин олыларга караганда, балаларга ул җиңелрәк бирелә. Рок, рэп яки поп жанрындагы музыканы тыңлап, аны ком белән тасвирларга кирәк. Релаксациянең бер алымы...

– Жюри әгъзалары кемнәр?

Санкт-Петербург, Түбән Новгород һәм Пенза шәһәрләреннән жюрины көтәбез - алар әле беренче тапкыр гына килә.

– Ә катнашучылар нинди? Кунаклар кайсы җирләрдән киләләр?

Санкт-Петербург, Өфө, Пенза, Вологда шәһәрләре бар. Быел 60 ка якын катнашучы көтәбез. Әлбәттә, аларның укытучылары да килә. Бөтенесе белән бергә түгәрәк өстәл вакытында танышабыз һшм кызыклы вакыйгалар белән уртаклашабыз. Әти-әниләренә дә әйтәм: монда барырга яки бармаска, дип уйлаганда, барырга кирәк икәнен дәлиллим. Бездә спонсорлар да яхшы бит!

– Чаллы рәссамнары әзерме?

Әлбәттә! Быел әзерләнү җиңелрәк булды, ди алар. «Могҗиза» фестивале берничә ел элек әкология темасына булса, хәзер ирекле теманы сайладык. Сюжетлар әзер, иң мөһиме - бәйгегә яхшы кәеф белән килергә һәм осталыгыңны күрсәтергә кирәк!

– Фестиваль кайда урнашачак?

Иң беренче база - «Бумажник» балалар мәдәният сарае, икенче - «Нур» яшьләр үзәге һәм «Татарстан» кунакханәсе. Безгә тагын башка оешмалар да таяныч. Мәсәлән, «Цвет песка» төсле ком кибете һәм «Додо Пицца» ярдәм итә.

Эчтәлекле интервью өчен рәхмәт, Алинә!

Резидә ӘЛМИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    987
    0
    7
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    832
    0
    6
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    816
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019