БЫЕЛ КӨЛЛИЯТЛӘРГӘ НИЧЕК КАБУЛ ИТӘЧӘКЛӘР?

Быел көллият һәм техникумнарга кабул итү кампаниясе дә бераз үзгәреш кичерәчәк. Бу әлеге дә баягы эпидемиологик ситуациягә бәйле.

2020нче елда урта һөнәри уку йортларының көндезге бүлекләренә кабул итү 25нче августта тәмамлана, ләкин ул:

– соңгы ТДИ нәтиҗәләре рәсми рәвештә билгеле булып, 20 көн үтмичә, иртәрәк була алмый (9нчы сыйныфлардан соң укырга кереп булган программаларга)

– соңгы БДИ нәтиҗәләре рәсми рәвештә билгеле булып, 20 көн үтмичә, иртәрәк була алмый (11нче сыйныфтан соң кабул ителә торган программаларга).

Иҗади профессияләргә һәм белгечлекләргә укырга кергәндә, барысы да башкача. Монда көндезге бүлеккә укырга кергәндә, документларны кабул итү 15нче августта тәмамлана, ләкин ул:

– соңгы ТДИның нәтиҗәләре билгеле булып, 10 көн үтмичә, иртәрәк була алмый (9нчы сыйныфлардан соң укырга кереп булган программаларга)

– соңгы БДИ нәтиҗәләре рәсми рәвештә билгеле булып, 10 көн үтмичә, иртәрәк була алмый (11нче сыйныфтан соң кабул ителә торган программаларга).

Читтән торып укырга керергә теләүчеләр өчен:

Биредә инде документларны кабул итүне көллият яки техникум үзе билгели. Ләкин алар көндезге бүлеккә кабул ителә торган абитуриентларныкыннан да иртәрәк була алмый.

Әле шунысы да бар: уку йортында кабул итәргә буш урыннар калган очракта читтән торып укырга керү өчен документларны 25нче ноябрьгә кадәр тапшырырга мөмкин.

Документларны ничек тапшырырга?

Укырга керүчеләр документларын көллият яки техникумның электрон почтасына яки дәүләт һәм муниципаль хезмәтләр порталы аша җибәрә ала.

Көллият һәм техникумнарны тәмамлаган чыгарылыш студентлары өчен дә мөһим хәбәр бар. Чыгарылыш квалификация эшләре һәм дәүләт имтиханнары дистанцион рәвештә узарга мөмкин. Шулай ук диплом эшен яклауның вакыты күчерелүе ихтимал.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2531
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    670
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    592
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019